मुंबई : राज्यात मॅक्सीकॅबसारख्या प्रवासी वाहतूकदारांना अधिकृत दर्जा देण्यात यावा का, यासंदर्भात अभ्यास करण्यासाठी राज्य शासनाने पाच सदस्यांची समिती स्थापन केली असून मंगळवारी मुंबईत समितीची बैठक झाली. यावेळी बैठकीला सर्व समिती सदस्यांबरोबरच एसटी महामंडळाचे प्रतिनिधी मुंबई महानगरातील पालिकांच्या परिवहन सेवांचे अधिकारी उपस्थित होते. बैठकीत मॅक्सिकॅबला अधिकृत दर्जा देण्यास एसटी महामंडळाकडून विरोध करण्यात आला तर उपस्थित अन्य परिवहन सेवांच्या प्रतिनिधींनी विरोध केल्याची माहिती एका वरिष्ठ अधिकाऱ्याने दिली.

या बातमीसह सर्व प्रीमियम कंटेंट वाचण्यासाठी साइन-इन करा

मॅक्सीकॅबला परवाने देण्याबाबत योजना तयार करताना प्रवाशांची सोय, सुरक्षितता, वाहनांच्या कराचा दर, एसटी महामंडळाच्या महसुलावर या योजनेमुळे होणारे संभाव्य परिणाम, मॅक्सीकॅब वाहनांकडून शासनाला प्राप्त होणारा महसूल, तसेच त्या वाहनांना द्यावयाचे क्षेत्र, मार्ग, परवाना संख्या आणि इतर बाबींचा अभ्यास समितीकडून केला जाणार आहे. त्यातील शिफारशींसह अहवाल तीन महिन्यात शासनाला सादर केला जाईल. मे २०२२ मध्ये दुसऱ्या आठवडय़ात ही समिती स्थापन केली होती. त्यानंतर समितीच्या दोन बैठका झाल्या असून त्यात रूपरेषा ठरली होती. एसटी महामंडळाचे प्रतिनिधी, तसेच मुंबईतील बेस्ट प्रशासनासह महानगरातील अन्य परिवहन सेवांचे प्रतिनिधीही उपस्थित होते.

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: St corporation opposes maxicab transporters official status ysh
First published on: 29-06-2022 at 01:35 IST