कर्मचाऱ्यांना ‘ना काम, ना दाम’ कारवाईचा इशारा

‘ना काम, ना दाम’ यानुसार आंदोलनात सामील झालेल्या कर्मचाऱ्यांना त्या-त्या दिवसाचे वेतन मिळणार नाही.

st-bus-1

संपामुळे १०० कोटी रुपये प्रवासी उत्पन्न बुडाले

मुंबई: एसटी कर्मचारी संप मागे घेत नसल्याने ‘ना काम, ना दाम’ यानुसार कारवाई करण्यात येईल, असा इशारा परिवहनमंत्री आणि एसटी महामंडळ अध्यक्ष अनिल परब यांनी दिला आहे.  विलीनीकरणाच्या मागणीसाठी पुकारण्यात आलेल्या संपामुळे महामंडळाचे आणि पर्यायाने कामगारांचे नुकसान होत आहे. हे नुकसान कोणताही राजकीय पक्ष भरून देणार नाही, त्यामुळे कामगारांनी संप मागे घ्यावा, असे आवाहन परब यांनी केले आहे. दरम्यान, संपामुळे २८ ऑक्टोबरपासून आतापर्यंत महामंडळाचे १०० कोटी रुपये प्रवासी उत्पन्न बुडाले आहे.

‘ना काम, ना दाम’ यानुसार आंदोलनात सामील झालेल्या कर्मचाऱ्यांना त्या-त्या दिवसाचे वेतन मिळणार नाही. मंगळवारी २५० पैकी २४७ आगार बंद झाले असतानाच बुधवारी सर्व आगारांतील एसटी सेवा बंद झाली.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मुंबई बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: St staff strike no work no price transport minister and st corporation president anil parab akp

ताज्या बातम्या