Mumbai Crime : मुंबई सूटकेस हत्याकांड (Mumbai Crime ) प्रकरणात दोन आरोपींना मुंबई पोलिसांनी चार तासांत अटक करण्यात आली. दोन्ही आरोपी मूक बधिर असल्याने गुन्हा कबूल करुन घेण्याचं आव्हान पोलिसांसमोर होतं. मात्र पोलिसांनी साईन लँग्वेज एक्स्पर्ट्शी मदत घेऊन या गुन्ह्याची उकल केली. आता या प्रकरणी नवी माहिती समोर आली आहे. नेमकी घटना काय घडली? दादर रेल्वे स्थानकातील फलाट क्रमांक ११ येथे दोन मूक बधिर व्यक्ती तुतारी एक्सप्रेसमध्ये ( Mumbai Crime ) चढत होते. या दोघांकडे चाकं असलेली एक ट्रॉली बॅग होती. मात्र, ही बॅग ट्रेनमध्ये चढवताना या दोघांची प्रचंड दमछाक झाली होती. बॅगेच्या वजनामुळे दोघांनाही बॅग रेल्वे गाडीत चढवताना चांगलाच घाम फुटला होता. त्यावेळी या फलाटावर रेल्वे सुरक्षा दलाचे जवान संतोषकुमार यादव आणि पोलीस अंमलदार माधव केंद्रे हे गस्तीवर होते. त्यांना या दोन्ही व्यक्तींची हालचाली बघून संशय आला. त्यामुळे त्यांनी या दोघांना थांबवून बॅग उघडायला सांगितली. ही बॅग उघडल्यानंतर सर्वांनाच धक्का बसला. या बॅगेत रक्ताने माखलेला एक मृतदेह ( Mumbai Crime ) कोंबून ठेवला होता. या मृतदेहाच्या डोक्यावर गंभीर घाव होते. पोलिसांनी संबंधित व्यक्ती आणि बॅग ताब्यात घेऊन पुढील तपासाला सुरुवात केली. या तपासणीत हा मृतदेह ( Mumbai Crime ) अर्शद अली सादिक अली शेख (वय ३०) याचा असल्याचे समजलं. आता अर्शद अली सादिक शेखची हत्या का आणि कशी झाली? ते समोर आलं आहे. आरोपी पायधुनीतून दादरला आले होते. दादर स्टेशनवर जीआरपींनी ही केस पायधुनीकडे वर्ग केली. अर्शद याची हत्या ( Mumbai Crime ) शिवजीत सिंग आणि प्रवीण चावडा यांनी का केली? हे आता समोर आलं आहे. हे पण वाचा- Mumbai Crime: दादरच्या ‘सूटकेस मर्डर’ची इनसाईड स्टोरी, “आरोपी मूक बधिर, टॅक्सीने आले आणि…” पोलिसांनी काय म्हटलं आहे? पोलिसांनी दिलेल्या माहितीनुसार शिवजीत सिंग, प्रवीण चावडा या दोघांनी त्यांचा मित्र अर्शद अली शेख याला पार्टी करण्यासाठी पायधुनी या ठिकाणी बोलवलं. रविवारी म्हणजेच ४ ऑगस्टला हे तिघे भेटले. तिघांनी एकत्र मद्यपान केलं. त्यानंतर अर्शद शेखची डोक्यात हातोडा घालून हत्या करण्यात आली. अर्शदला ठार केल्यानंतर त्याच्या मृतदेहाची ( Mumbai Crime ) विल्हेवाट सिंग आणि चावडा या दोघांनी लावण्याचा प्रयत्न केला. कोकणात जाऊन त्याचा मृतदेह फेकायचा किंवा पुरुन टाकायचा असं त्यांनी ठरवलं. त्यासाठी सूटकेसमध्ये अर्शदचा मृतदेह भरला आणि तुतारी एक्स्प्रेस पकडली होती. मात्र पोलिसांनी त्यांना हटकलं आणि सगळा प्रकार उघड झाला. मुंबईतल्या सूटकेस मर्डरची इनसाईड स्टोरी समोर महिलेचे फोटो, ब्लॅकमेलिंग आणि.. पोलिसांनी पुढे असंही सांगितलं या तिघांपैकी दोघांचं एकाच महिलेवर प्रेम होतं. मात्र या महिलेने दोघांनाही प्रतिसाद दिला नव्हता. तसंच चावडाच्या गर्लफ्रेंडचे फोटो दाखवून अर्शद त्याला ब्लॅकमेल करत होता. या तिघांमध्ये चांगली मैत्री होती मात्र रविवारी मद्यपान केल्यानंतर तिघांमध्ये काही कारणावरुन वाद झाला आणि त्यानंतर रागाच्या भरात दोघांनी अर्शदला संपवलं. इंडियन एक्स्प्रेसने हे वृत्त दिलं आहे.
