भुजबळांच्या भेटीला सुप्रिया

छगन भुजबळ यांच्याविरुद्ध सूडबुद्धीने कारवाई झाल्याचा आरोप शरद पवार यांनी केला होता.

राष्ट्रवादी काँग्रेसच्या नेत्या सुप्रिया सुळे यांनी शनिवारी आर्थर रोड कारागृहात पक्षाचे नेते छगन भुजबळ यांची भेट घेतली.

पक्ष पाठिशी असल्याचा संदेश
गैरव्यवहारप्रकरणी सध्या तुरुंगाची हवा खात असलेले माजी उपमुख्यमंत्री छगन भुजबळ यांची राष्ट्रवादीचे पक्षाध्यक्ष शरद पवार यांची कन्या खासदार सुप्रिया सुळे यांनी आर्थर रोड तुरुंगात जाऊन भेट घेतली. पवारकन्या भुजबळांच्या भेटीला गेल्याने पक्षाने भुजबळांना वाऱ्यावर सोडलेले नाही हा संदेश राष्ट्रवादीने दिला आहे.
छगन भुजबळ यांच्याविरुद्ध सूडबुद्धीने कारवाई झाल्याचा आरोप शरद पवार यांनी केला होता. पण पवार यांचे पंतप्रधान नरेंद्र मोदी किंवा वित्तमंत्री अरुण जेटली यांच्याशी उत्तम संबंध असूनही पवारांनी भुजबळांची अटक टाळण्यास मदत केली नाही, अशी चर्चा सुरू झाली. विशेषत: भुजबळ समर्थक संतप्त झाले होते. अजित पवार हेसुद्धा चौकशीच्या फेऱ्यात असून, त्यांना वाचविण्याकरिता पक्ष पुढाकार घेईल, असे बोलले जाऊ लागले. अटकेनंतर भुजबळ एकाकी पडल्याची चर्चा सुरू झाली होती. या पाश्र्वभूमीवर सुप्रिया सुळे यांनी कारागृहात जाऊन भुजबळांची भेट घेतल्याने त्याला वेगळे महत्त्व प्राप्त झाले.
पवारकन्याच भुजबळांच्या भेटीला गेल्याने राष्ट्रवादी भुजबळांच्या पाठीशी असल्याचा संदेश गेला आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मुंबई बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Supriya sule meets chhagan bhujbal in arthur road jail