वातानुकूलित डबा, आरामदायी आसन, काचेच्या खिडक्या आणि छत यासह वैशिष्ट्यपूर्ण असलेला विस्टाडोम डबा (पारदर्शक डबा) आता सीएसएमटी-करमाळी-सीएसएमटी तेजस एक्स्प्रेसलाही जोडण्यात येणार आहे. येत्या १५ सप्टेंबरपासून विस्टाडोम डबा प्रवाशांच्या सेवेत दाखल होत आहे. त्याचे आरक्षण १४ सप्टेंबरपासून करता येईल, अशी माहिती कोकण रेल्वेच्या अधिकाऱ्यांनी दिली.मुंबई – पुणे – मुंबई डेक्कन क्वीन, मुंबई – पुणे – मुंबई डेक्कन एक्स्प्रेस आणि मुंबई – मडगाव – मुंबई जनशताब्दी एक्स्प्रेसला विस्टाडोम डबा जोडण्यात आला आहे. एका डब्याची प्रवासी क्षमता ४० इतकी आहे. काचेचे छत असलेल्या या डब्यांना गेल्या तीन-चार वर्षांमध्ये प्रवाशांकडून चांगली पसंती मिळत आहे.

कोकण मार्गांवर धावणाऱ्या मडगाव जनशताब्दी एक्स्प्रेसला २०१८ मध्ये पहिल्यांदा विस्टाडोम डबा जोडण्यात आला होता. या डब्यांना मिळणारा प्रतिसाद लक्षात घेऊन २६ जून २०२१ रोजी मुंबई पुणे डेक्कन एक्स्प्रेसमध्येही विस्टाडोम डबा जोडण्यात आला होता. प्रवाशांच्या मागणीनंतर मुंबई – पुणे मार्गावरील डेक्कन क्वीनलाही १५ ऑगस्ट २०२१ पासून हा डबा जोडण्यात आल्याचे अधिकाऱ्यांनी सांगितले. काचेच्या छताशिवाय रुंद खिडक्या, एलईडी दिवे, उत्तम आसन व्यवस्था, जीपीएसआधारित माहिती प्रणाली, एलईडी स्क्रिन आदी अनेक सुविधांचा त्यात समावेश आहे.

megablock
रेल्वेचा मेगाब्लॉक! पुणे – लोणावळा दरम्यान अनेक गाड्या रद्द, काही उशिराने धावणार
pm narendra modi pune visit marathi news, pm modi pune 6 march marathi news,
मोठी बातमी : पुणे मेट्रो रामवाडीपर्यंत ६ मार्चपासून धावणार; पंतप्रधानांच्या हस्ते उद्घाटन होणार
3 year old girl fall to death into a pothole on highway near titwala
टिटवाळ्याजवळ महामार्गाच्या खड्ड्यात पडून बालिकेचा मृत्यू
Jamtara Train accident
झारखंडच्या जामतारा स्थानकाजवळ मोठी दुर्घटना, रेल्वेची १२ प्रवाशांना धडक, दोन जणांचा मृत्यू

हेही वाचा : मुंबई : कोकणात जाणाऱ्या ‘डबल डेकर’ची ओळख काळाच्या पडद्याआड

आता गाडी क्रमांक २२११९ आणि २२१२० सीएसएमटी-करमाळी-सीएसएमटी तेजस एक्स्प्रेसलाही विस्टाडोम डबा जोडण्यात आला असून बुधवार, १४सप्टेंबरपासून त्याचे तिकीट प्रवाशांना काढता येईल. १५ सप्टेंबरपासून हा डबा प्रवाशांच्या सेवेत दाखल होत आहे. दरम्यान, १ नोव्हेंबर २०२२ पासून तेजस एक्स्प्रेस करमाळीऐवजी मडगावपर्यंत धावणार आहे. मुंबई – मडगावदरम्यान ही गाडी प्रत्येक मंगळवार, बुधवार, शुक्रवार, शनिवार, रविवार धावेल आणि मडगांवहून ही गाडी याच दिवशी सुटेल, असे कोकण रेल्वेतील अधिकाऱ्यांनी सांगितले.