हँगिंग गार्डनमध्ये आरेची पुनरावृत्ती नको, मलबार हिलच्या नागरिकांनी व्यक्त केली भीती

मलबार हिल येथील जलाशयाच्या पुनर्बांधणीसाठी ३८९ झाडे कापावी किंवा पुनर्रोपित करावी लागणार असल्यामुळे या परिसरातील नागरिकांनी या कामाला विरोध केला आहे. त्यामुळे प्रशासन आणि नागरिक यांच्यात समन्वय साधण्यासाठी नागरिकांची समिती स्थापन करण्याचे आदेश पालकमंत्री मंगलप्रभात लोढा यांनी दिले होते. त्यानुसार रहिवासी आणि पर्यावरणवादी यांची एक समिती स्थापन करण्यात आली आहे. ही समिती या संपूर्ण विषयावर चर्चा करून पर्यायी मार्ग सुचवण्याबाबत विचार विनिमय करणार आहे. पर्यावरणाचा ऱ्हास न होता हे काम कसे पूर्ण करता येईल, यावर ही समिती विचार करेल. या समितीची बैठक रविवारी संध्याकाळी झाली. या बैठकीत नागरिकांनी आपापली मते मांडली मात्र त्यातून ठोस तोडगा अद्याप निघाला नाही.

आणखी वाचा

देवनार मध्ये पालिकेच्या भूखंडाचा विकास; ३०० चौरस फुटाच्या ३३५८ सदनिका उपलब्ध होणार

जान्हवी कंडुलाच्या मृत्यूप्रकरणी पोलीस अधिकाऱ्यावर कारवाई

मोरबेच्या जलपूजनाची घाई; नाईकपुत्र अडचणीत, पालिकेच्या परवानगीविना पूजाविधी; घुसखोरीबद्दल प्रशासनाची तक्रार

भारताविरुद्धच्या आरोपाला गुप्तचर माहितीचा आधार? कॅनडातील माध्यमांचे वृत्त

हेही वाचा – मुंबई : दादर पूर्व येथे २७ वर्षीय तरुणाची हत्या

मलबार हिल सिटीझन फोरमच्या सुशिबेन शाह म्हणाल्या की, या प्रकल्पाला राज्य सरकार स्थगिती देत नाही तोपर्यंत आम्ही स्वस्थ बसणार नाही. पालकमंत्री लोढा यांनी पालिका आयुक्त इकबाल सिंह चहल यांना पत्र लिहून कामाला स्थगिती देण्याची मागणी केली आहे. पण ते स्वतः मंत्री आहेत, तुमचे सरकार आहे मग तुम्ही थेट स्थगिती का देत नाहीत, असा सवाल शाह यांनी केला आहे. नुसते जलाशय बांधून होणार नाही तर त्यासाठी पंपिंगची जागा, जलवाहिन्या अशी सगळी यंत्रणा उभारावी लागेल मग किती जागा लागेल याची पालिका यंत्रणेलाच माहिती आहे. त्यामुळे पर्यायी जागा शोधण्याची जबाबदारी नागरिकांवर टाकण्यापेक्षा पालिकेनेच दुसरी जागा शोधावी व तोपर्यंत प्रकल्प पुढे नेऊ नये, अशीही मागणी त्यांनी केली आहे. सध्या नगरसेवकांची मुदत संपलेली आहे त्यामुळे नगरविकास विभागाचे प्रमुख म्हणून मुख्यमंत्री एकनाथ शिंदे यांनीच या प्रकल्पाला स्थगिती द्यावी अशी मागणीही शाह यांनी केली आहे.

हेही वाचा – पनवेल येथे पाच दिवसांसाठी मध्यरात्रीचा वाहतूक ब्लॉक

आरेमध्ये जशी रातोरात झाडे कापली तशी पुनरावृत्ती इथे होईल अशी भीती आम्हा नागरिकांना वाटते आहे. संभ्रम निर्माण करायचा, लोकांना गोंधळात टाकायचे आणि भीतीची टांगती तलवार नागरिकांवर ठेवायची अशी ही नीती असल्याचा आरोप शाह यांनी केला आहे.