तिकीट तपासनीसाला प्रवाशांकडून मारहाण

मुख्य तिकीट निरीक्षक सुभाष जोशी यांच्या देखरेखीखाली नाहूर स्थानकात तिकीट तपासणी मोहीम सुरू होती.

मुंबई : मध्य रेल्वेवरील नाहूर स्थानकात एका तिकीट तपासनीसाला मारहाण झाल्याची घटना मंगळवारी घडली. विनातिकीट असलेला प्रवासी पळताना पादचारी पुलांच्या पायऱ्यांवरून पडला. या मुद्द्यावरून विनाकारण तिकीट तपासनीसाला मारहाण करण्यात आल्याची माहिती मध्य रेल्वेने दिली. मारहाण करणाऱ्या प्रवाशाविरोधात मध्य रेल्वेने गुन्हा दाखल के ला आहे.

मुख्य तिकीट निरीक्षक सुभाष जोशी यांच्या देखरेखीखाली नाहूर स्थानकात तिकीट तपासणी मोहीम सुरू होती. या स्थानकातील एका पादचारी पुलावर तिकीट तपासनीस संदीप चितळे, अन्य दोन तिकीट तपासनीस आणि दोन रेल्वे सुरक्षा दलाचे कर्मचारीही होते. ही तपासणी पाहताच एक प्रवासी पादचारी पुलावरून पळू लागला आणि पायऱ्यांवरून तोल जाऊन खाली पडला. हे पाहताच काही प्रवाशांनी तिकीट तपासनीस चितळे यांना घेराव घालून जाब विचारण्यास सुरुवात केली व शिवीगाळ करून मारहाण केली. तिकीट तपासनीसांनी नाहूर लोहमार्ग पोलीस ठाण्यात तक्रार दाखल केली आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मुंबई बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Ticket inspector beaten by passengers nahur station on the central railway akp

Next Story
महाबळेश्वर संमेलन अधिकृत, टोरांटो मात्र अनधिकृत!
ताज्या बातम्या