transfer of bmc deputy commissioner in election department cancelled zws 70 | Loksatta

निवडणूक विभागातील उपायुक्तांची बदली रद्द ;  आठवडय़ाभरातच आयुक्तांनी निर्णय बदलला

मुंबई महापालिकेत अधिकाऱ्यांच्या बदल्यांचे सत्र सुरूच असताना केलेल्या बदल्या रद्द करण्याचेही सत्र सुरू झाले आहे

निवडणूक विभागातील उपायुक्तांची बदली रद्द ;  आठवडय़ाभरातच आयुक्तांनी निर्णय बदलला
संग्रहित फोटो

मुंबई : मुंबई महापालिकेत अधिकाऱ्यांच्या बदल्यांचे सत्र सुरूच असताना केलेल्या बदल्या रद्द करण्याचेही सत्र सुरू झाले आहे. गेल्याच आठवडय़ात निवडणूक, प्लास्टिक बंदी, मराठी पाटय़ा या विषयाशी संबंधित अधिकारी उप आयुक्त संजोग कबरे यांची बदली करण्यात आली होती, तर सह आयुक्त विजय बालमवार यांना कबरे यांच्या जागी आणले होते. आठवडय़ाभरातच आयुक्त इकबाल सिंह चहल यांनी आपला निर्णय बदलत दोन्ही अधिकाऱ्यांना पुन्हा आपापल्या पदाचा कारभार दिला आहे.  

हेही वाचा >>> ईडा पिडा टळून राज्यातल्या सर्वसामान्यांच्या आयुष्यात चांगले दिवस येऊ दे; मुख्यमंत्र्यांची गणरायाच्या चरणी प्रार्थना

राज्यातील सत्तांतरानंतर पालिकेत मोठय़ा प्रमाणावर प्रमुख अधिकाऱ्यांच्या बदल्या होत आहेत. त्यातच उपायुक्त संजोग कबरे यांची बदली पश्चिम उपनगरातील परिमंडळ ४ मध्ये करण्यात आली होती. तर परिमंडळ ४ चे सह आयुक्त विजय बालमवार यांच्याकडे उपायुक्त विशेष पदाचा कार्यभार देण्यात आला होता.  मात्र निवडणूक जवळ आलेली असताना केलेल्या या बदलीवर टीका झाली.  आता पालिका आयुक्तांनी या दोन्ही अधिकाऱ्यांना आपल्या मूळ पदावर परत पाठवले असून त्याबाबतचे आदेशही काढण्यात आले आहेत. वारंवार राजकीय आकसातून होणाऱ्या बदल्यांमुळे अधिकारी वर्गातही नाराजी, संताप आणि भीतीचे वातावरण आहे.  या बदल्या रद्दही करण्याची वेळ आयुक्तांवर आली आहे. या सगळय़ा घटनांमुळे प्रशासनावरील दबाव आणि गोंधळाचे वातावरण दिसून येते आहे.

मराठीतील सर्व मुंबई ( Mumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
ख्वाजा युनूस कथित कोठडी मृत्यू प्रकरण : प्रफुल्ल भोसलेंसह चार पोलिसांवर कारवाई नाही

संबंधित बातम्या

विश्लेषण: डोंगर आणि तलावाखालून जाणारा मुंबई-पुणे द्रुतगती बोगदा कसा आहे? त्याचा फायदा काय होईल?
मुंबई विमानतळावर ‘सर्व्हर डाऊन’, प्रवाशांच्या लांबच लांब रांगा
“…तोपर्यंत भाजपाचा कुठलाही नेता उभ्या महाराष्ट्रात फिरू शकणार नाही”, शिवसेनेचा जाहीर इशारा
‘तो’ कबुतराचं मांस चिकन म्हणून हॉटेल्सला विकायचा; मुंबईमधील धक्कादायक प्रकार, आठ जणांविरुद्ध गुन्हा दाखल
मालेगाव बॉम्बस्फोट खटला: साध्वी प्रज्ञासिंहसह दोन आरोपींकडून दोषमुक्तीची याचिका मागे

व्हिडिओ

ताज्या बातम्या
पुणे: एकाच दिवशी ३१ हजार नवमतदारांची नोंदणी; ४४२ महाविद्यालयात खास शिबिरे
“पाच कोटी मोजायला गेले होते का?” चंद्रकांत खैरेंच्या आरोपाला गुलाबराव पाटलांचं प्रत्युत्तर
मी पुन्हा येईन! बरखास्त केलेल्या निवड समितीच्या अध्यक्षांनी परत त्याच पदासाठी केला अर्ज
कंबरेला Paytm QR कोड बांधून उच्च न्यायालयाचा शिपाई घेता होता पैसे; न्यायाधीशांनी सुनावली शिक्षा, नेमकं काय आहे प्रकरण?
Video: लुंगी नेसून किरण मानेंचा अपूर्वा व विकाससह ‘सामी सामी’ गाण्यावर डान्स, व्हिडीओ व्हायरल