वाकोला येथील पाइपलाइन परिसरात झाड कोसळून झालेल्या घटनेत ४ जण ठार आणि ५ जण जखमी झाले. ही घटना रविवारी मध्यरात्री तीनच्या सुमारास घडली. सांताक्रूझमधील वाकोला येथे मध्यरात्री भिंतीच्यालगत असलेले एक झाड कोसळल्यामुळे भिंत पडली. भिंत बाजूच्या घरावर कोसळल्याने त्यात नऊजण अडकले. अग्निशमन दलाच्या जवानांनी या नऊजणांना बाहेर काढले. पण, यातील चारजणांचा दुर्दैवी मृत्यू झाला तर पाचजणांवर व्ही.एन देसाई रुग्णालयात उपचार सुरु आहेत.
