MSMEचे GDP मध्ये 31% योगदान, तरीही कर्जाचा तुटवडा कायम, तोडगा काढण्यासाठी INDIA by MSME चं आयोजन

मंगल प्रभात लोढांच्या हस्ते कार्यक्रमाचं उद्घाटन

कार्यक्रमाचे उद्घाटन महाराष्ट्राचे कौशल्य, रोजगार, उद्योजकता व नवोपक्रम मंत्री मंगल प्रभात लोढा यांच्या हस्ते झाले. त्यांनी MSME साठी परवडणारी आणि संरचित कर्जसुविधा रोजगारनिर्मिती व उद्योजकतेच्या वाढीसाठी अत्यंत आवश्यक असल्याचे अधोरेखित केले. या प्रसंगी MSME संपर्क अहवालाच्या चौथ्या आवृत्तीचे प्रकाशन करण्यात आले. अहवालानुसार, सर्वेक्षणातील 86 टक्के MSME ची वार्षिक उलाढाल ₹20 कोटींपेक्षा कमी आहे. सुरक्षित आणि दीर्घकालीन कर्जांकडे उद्योगांचा वाढता कल दिसून येत असून, UPI चा स्वीकार वाढत आहे आणि रोख व्यवहारांवरील अवलंबित्व कमी होत आहे. हे औपचारिक कर्जप्रवाहाकडे होत असलेल्या संक्रमणाचे द्योतक मानले जात आहे.

UGRO कॅपिटलचे संस्थापक व व्यवस्थापकीय संचालक सचिंद्र नाथ म्हणाले, “MSME क्षेत्र भारताच्या GDP मध्ये सुमारे 31 टक्के योगदान देते आणि रोजगारनिर्मितीमध्ये मध्यवर्ती भूमिका बजावते. तरीही संरचनात्मक कर्ज तुटवडा मोठा आहे. ‘India by MSME’ हे धोरणकर्ते, नियामक, बँका, NBFC आणि फिनटेक प्लॅटफॉर्म्स यांना एकत्र आणणारे सातत्यपूर्ण व्यासपीठ आहे, जेणेकरून कर्जप्रवाह जबाबदारीने आणि संरचनात्मक पद्धतीने उद्योजकांपर्यंत पोहोचेल.”

देशभरातील 300 हून अधिक शाखांमधून कंपनी 1.85 लाखांहून अधिक ग्राहकांना सेवा देत असून, सुमारे ₹15,500 कोटींची मालमत्ता व्यवस्थापनाखाली आहे. ‘India by MSME’ उपक्रमाद्वारे सह-कर्ज मॉडेल, डिजिटल अंडररायटिंग आणि डेटा-आधारित कर्जनिर्णय मजबूत करून MSME क्षेत्रासाठी शाश्वत आणि जबाबदार कर्जप्रवाह निर्माण करण्याचा उद्देश आहे.

MSME संपर्क अहवालाच्या चौथ्या आवृत्तीचं प्रकाशन

या कार्यक्रमात UGRO कॅपिटल आणि Dun & Bradstreet यांच्या सहकार्याने तयार केलेल्या MSME संपर्क अहवालाच्या चौथ्या आवृत्तीचे प्रकाशनही करण्यात आले. या अहवालात आठ क्षेत्रांतील ७३ हजारपेक्षा अधिक MSME चा अभ्यास करण्यात आला आहे — ऑटो कॉम्पोनंट्स, लाइट इंजिनिअरिंग, केमिकल्स, शिक्षण, हॉस्पिटॅलिटी, टेक्सटाइल, इलेक्ट्रिकल इक्विपमेंट आणि फूड प्रोसेसिंग — तसेच भारतातील १६ हजाराहून अधिक उदयोन्मुख बाजारपेठेतील ग्राहकांच्या अंतर्दृष्टींचा समावेश आहे.

डॉ. अरुण सिंग काय म्हणाले?

मुख्य निष्कर्षांनुसार, सर्वेक्षणातील 86% MSME यांचा वार्षिक उलाढाल ₹20 कोटींपेक्षा कमी आहे. सुरक्षित, दीर्घकालीन मुदतीच्या कर्जाला वाढती पसंती दिसून येते. सरासरी कर्जरक्कम वाढत असून मंजुरी प्रक्रियेत शिस्तबद्ध वाढ दिसून येते. मायक्रोफायनान्स आणि गोल्ड लोनवरील अवलंबित्व कमी होत असून UPI चा वेगाने वाढता स्वीकार आणि रोख व्यवहारातील घट औपचारिक कर्जप्रवाहाकडे होत असलेला संरचनात्मक बदल दर्शवितो. डॉ. अरुण सिंग यांनी नमूद केले की, हे निष्कर्ष विविध क्षेत्रांतील MSME औपचारिकीकरणाच्या वेगात वाढ आणि सुधारलेली कर्जशिस्त दर्शवतात.

शचिंद्र नाथ काय म्हणाले?

UGRO कॅपिटलचे संस्थापक व व्यवस्थापकीय संचालक शचिंद्र नाथ म्हणाले, “MSME भारताच्या GDP मध्ये सुमारे 31% योगदान देतात आणि रोजगारनिर्मितीत महत्त्वाची भूमिका बजावतात. तरीही संरचनात्मक कर्ज तुटवडा मोठा आहे. ‘India by MSME’ हे धोरणकर्ते, नियामक, बँका, NBFC, फिनटेक प्लॅटफॉर्म्स आणि भांडवल पुरवठादार यांना एकत्र आणणारे सातत्यपूर्ण संस्थात्मक व्यासपीठ आहे, जेणेकरून कर्जप्रवाह जबाबदारीने आणि संरचनात्मक पद्धतीने उद्योजकांपर्यंत पोहोचेल. भारताच्या पुढील वाढीचा टप्पा MSME-आधारित, डेटा-चालित आणि भागीदारी-सक्षम असेल.”