मुंबईत अवकाळी पावसाची हजेरी

वसई, विरार भागात जोरदार पाऊस पडत आहे.

गेल्या काही वर्षांत हवामान बदलाचे चटके आपल्याला सहन करावे लागत आहेत. फेब्रुवारी महिन्यात गारपीट, अवकाळी पाऊस, एकाच दिवशी हिवाळा, पावसाळा अन् उन्हाळा या तिन्ही ऋतूंचा अनुभव अनेकांनी घेतला. आता उन्हाळ्याला सुरुवात झाली असताना मार्च महिन्यातही हेच चित्र दिसत आहे. मध्यरात्रीपासून मुंबईतील काही भागात अवकाळी  पावसाने हजेरी लावली.
वसई-विरारमध्ये सकाळी जोरदार पावसाने हजेरी लावली. अंधेरी, विलेपार्ले, कांदिवली, सांताक्रुझ, वांद्रे, डोंबिवली, बदलापूर भागात पावसाच्या सरी कोसळल्या. ठाण्यात विजांचा कडकडाट होत असून ढगाळ वातावरण निर्माण झाले आहे. तर पालघर जिल्ह्यात तुरळक पाऊस पडला.
दरम्यान, गेले चार दिवस नाशिकसह उत्तर महाराष्ट्रात गारपिटीसह अवकाळी पावसाने हजेरी लावली आहे. अनेक वर्षांनंतर या परिसरात अचानक गारपीट झाली असून द्राक्षासह कांदा, गहू, हरभरा व भाजीपाल्याचेही नुकसान झाले असून आंब्याच्या झाडावरील मोहोर गळून पडला आहे.

 

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मुंबई बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Unseasonal rain in mumbai

ताज्या बातम्या