various activities organize on occasion of national wildlife week mumbai print news zws 70 | Loksatta

राष्ट्रीय वन्यजीव सप्ताहाच्या निमित्ताने निसर्गप्रेमींना पर्वणी ; १ ते ९ ऑक्टोबरदरम्यान विविध उपक्रमांचे आयोजन

सर्वसामान्य नागरिक आणि निसर्गप्रेमींनी या उपक्रमांमध्ये सहभागी व्हावे, असे आवाहन राष्ट्रीय उद्यानातर्फे करण्यात आले आहे.

राष्ट्रीय वन्यजीव सप्ताहाच्या निमित्ताने निसर्गप्रेमींना पर्वणी ; १ ते ९ ऑक्टोबरदरम्यान विविध उपक्रमांचे आयोजन
(संग्रहित छायाचित्र)

मुंबई : संजय गांधी राष्ट्रीय उद्यानातील निसर्ग माहिती केंद्रातर्फे दरवर्षीप्रमाणे यंदाही १ ते ९ ऑक्टोबर या कालावधीत राष्ट्रीय वन्यजीव सप्ताहाचे आयोजन करण्यात आले आहे. या  सप्ताहाच्या निमित्ताने विविध माहितीपर कार्यक्रम, निसर्ग सहली, कार्यशाळा, प्रदर्शन आणि इतर शैक्षणिक स्पर्धांचे आयोजन करण्यात आले आहे. सर्वसामान्य नागरिक आणि निसर्गप्रेमींनी या उपक्रमांमध्ये सहभागी व्हावे, असे आवाहन राष्ट्रीय उद्यानातर्फे करण्यात आले आहे.

हेही वाचा >>> मुंबई: रिक्षा-टॅक्सीचा पाच किलोमीटरपर्यंतचा प्रवास महागला; रात्रीच्या प्रवासासाठी खिशाला खार

दरवर्षीप्रमाणे यंदाही संजय गांधी राष्ट्रीय उद्यानात राष्ट्रीय वन्यजीव सप्ताहाचे आयोजन करण्यात आले असून सप्ताह कालावधीत दररोज सकाळी ७ ते ११ या वेळेत पहिले सत्र, सकाळी ११.३० ते दुपारी २ दरम्यान दुसरे सत्र आणि दुपारी ३ ते सायंकाळी ५ या कालावधीत तिसरे सत्र पार पडेल. या सत्रांमध्ये विविध उपक्रम राबविण्यात येणार आहेत. निसर्ग सहलीच्या माध्यमातून राष्ट्रीय उद्यानातील विविध निसर्ग पायवाटांची सफर करता येणार आहे आणि यादरम्यान प्राणी, पक्षी, फुलपाखरे, झाडे याबाबत निसर्गतज्ज्ञ विस्तृत माहिती देणार आहेत. त्याचसोबत आपला सांस्कृतिक वारसा आणि इतिहास पुढच्या पिढीपर्यंत पोहोचावा यासाठी कान्हेरी लेणी येथे ‘हेरिटेज वॉक’चे आयोजन करण्यात आले आहे. नव्याने सुरू झालेल्या मांजर कुळातील प्राण्यांचे माहिती केंद्र आणि मृगायचिन्ह केंद्र (टॅक्साईडरमी केंद्र ), फुलपाखरू उद्यान आणि ऑर्किड गार्डनचेही दर्शन घडणार आहे. येत्या १ ऑक्टोबर रोजी राष्ट्रीय वन्यजीव सप्ताहाचे उदघाटन करण्यात येणार आहे. याप्रसंगी ‘मुंबईतील नद्यांचे संवर्धन’ या संकल्पनेवर आधारित प्रदर्शन भरविण्यात येणार आहे. वन्यजीव सप्ताहाचे विस्तृत वेळापत्रक राष्ट्रीय उद्यानाच्या  (Sanjay Gandhi National Park) या फेसबुक आणि इंस्टाग्राम पेजवर उपलब्ध आहे. अधिक माहितीसाठी शुभम हडकर यांच्याशी मोबाइल क्रमांक ७७३८७७८७८९ वर संपर्क साधावा.

मराठीतील सर्व मुंबई ( Mumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
दिग्दर्शक श्रीराम राघवन यांच्या नावाने फेसबूकवर बनावट खाते; तरुणाला अटक

संबंधित बातम्या

‘तो’ कबुतराचं मांस चिकन म्हणून हॉटेल्सला विकायचा; मुंबईमधील धक्कादायक प्रकार, आठ जणांविरुद्ध गुन्हा दाखल
५०० कोटी रुपयांच्या ‘आयफोन’ची तस्करी; कंपनी मालकाला अटक, २०० कोटींचे सीमाशुल्क बुडवल्याचा आरोप
मुंबईत ३ ते १७ डिसेंबर दरम्यान जमावबंदीचे आदेश; पाचपेक्षा अधिक लोकांना एकत्र येण्यास मज्जाव; काय सुरू काय बंद? जाणून घ्या
खारमध्ये डिलिव्हरी बॉयकडून घरात घुसून महिलेचा विनयभंग, पीडिता म्हणाली, “त्याने माझे…”
विश्लेषण: डोंगर आणि तलावाखालून जाणारा मुंबई-पुणे द्रुतगती बोगदा कसा आहे? त्याचा फायदा काय होईल?

व्हिडिओ

ताज्या बातम्या
धारावी पुनर्विकास प्रकल्प हे धारावीकरांसाठी स्वप्न नव्हे, मृगजळच!
हैद्राबादच्या निजामाची महाबळेश्वर येथील २५० कोटींच्या संपत्तीवर सातारा जिल्हाधिकाऱ्यांची धडक कारवाई
VIDEO : “तुम्ही इथेही बुलडोझर चालवणार का?” पाटणा उच्च न्यायालयाने बिहार पोलिसांना सुनावले
विश्लेषण : राज्य सरकारची ई – ऑफिस प्रणाली काय आहे? त्यामुळे लोकांची कामे वेळेत होणार का?
जुळ्यांचा नादच खुळा! दोन बहिणींनी एकाच तरुणासोबत थाटला संसार, नवऱ्याच्या अंगलट येणार?