अनिता देसाई यांना टाटा लिटरेचर जीवनगौरव

मुंबईचा साहित्य महोत्सव अशी ओळख असणारा ‘टाटा लिटरेचर लाइव्ह’ हा कार्यक्रम गुरूवारपासून सुरू होत आहे.

साहित्य महोत्सव १८ ते २१ नोव्हेंबरदरम्यान

मुंबई : ज्येष्ठ लेखिका अनिता देसाई यांना ‘टाटा लिटरेचर लाइव्ह’तर्फे जीवनगौरव पुरस्कार जाहीर झाला आहे. ज्येष्ठ कवी आदिल जस्सावाला यांना ‘पोएट लॉरिएट पुरस्कारा’ने सन्मानित केले जाणार आहे.  साहित्य महोत्सव १८ ते २१ नोव्हेंबर दरम्यान ऑनलाइन होईल. 

अनिता देसाई यांची पहिली कादंबरी ‘क्राय द पीकॉक’ ही १९६३ साली प्रकाशित झाली होती. त्यांनी ‘रायटर्स वर्कशॉप’  ही प्रकाशन संस्थाही सुरू केली.  त्यांच्या १९८४ साली प्रकाशित झालेल्या ‘इन कस्टडी’ या कादंबरीला बुकर पुरस्कारासाठी नामांकन मिळाले होते. ‘मॅसॅच्युसेट्स तंत्रज्ञान संस्थे’त त्यांनी प्राध्यापिका म्हणून काम केले. १९९९ साली बुकर नामांकनांच्या अंतिम यादीत स्थान मिळवलेल्या ‘फास्टींग फीस्टींग’ या कादंबरीमुळे अनिता देसाई यांची लोकप्रियता वाढली. आदिल जस्सावाला यांचे ‘लॅण्ड्स एण्ड’ आणि ‘मिसिंग पर्सन’ हे काव्यसंग्रह प्रकाशित झाले आहेत. 

मुंबईचा साहित्य महोत्सव अशी ओळख असणारा ‘टाटा लिटरेचर लाइव्ह’ हा कार्यक्रम गुरूवारपासून सुरू होत आहे. यात भारतीय आणि आंतरराष्ट्रीय असे १४०पेक्षाही अधिक वक्ते सहभागी होणार आहेत. चर्चासत्रे, कार्यशाळा, सादरीकरणे, व्याख्याने, इत्यादींचा या महोत्सवात समावेश आहे. 

अखेरच्या दिवशी हेमंत दिवटे, कल्पना दुधाळ, मन्या जोशी, प्रज्ञा दया पवार, प्रफुल्ल शिलेदार हे मराठी कवी आपल्या कविता सादर करणार आहेत. या महोत्सवासंबंधी अधिक माहिती  https://tatalitlive.in/ या संकेतस्थळावर उपलब्ध आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मुंबई बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Veteran writer anita desai recognized for lifetime achievement by tata literature live zws

Next Story
केरोसीन अनुदानाचे वितरण बँक खात्यांच्या माध्यमातून- अनिल देशमुख
ताज्या बातम्या