विनय नातू स्वगृही परतणार?

भाजपविरुध्द बंड करुन खेड मतदारसंघात युतीच्या उमेदवाराविरुद्ध विधानसभा निवडणूक लढविलेले माजी आमदार डॉ. विनय नातू लवकरच स्वगृही परतण्याची चिन्हे आहेत. पक्षापासून दुरावलेल्या नाराजांना स्वगृही आणण्यासाठी आणि काँग्रेस-राष्ट्रवादी विरोधकांना एकत्र आणण्यासाठी भाजपने प्रयत्न सुरु केल्याने आता लवकरच नातूंचा पक्षप्रवेश होईल.

भाजपविरुध्द बंड करुन खेड मतदारसंघात युतीच्या उमेदवाराविरुद्ध विधानसभा निवडणूक लढविलेले माजी आमदार डॉ. विनय नातू लवकरच स्वगृही परतण्याची चिन्हे आहेत. पक्षापासून दुरावलेल्या नाराजांना स्वगृही आणण्यासाठी आणि काँग्रेस-राष्ट्रवादी विरोधकांना एकत्र आणण्यासाठी भाजपने प्रयत्न सुरु केल्याने आता लवकरच नातूंचा पक्षप्रवेश होईल. नवीन प्रदेश पदाधिकारी नियुक्त करताना भाजपने कोकणावर अन्याय केली असून नातूंचा समावेश झाल्यावर त्यांची सरचिटणीस किंवा उपाध्यक्षपदी नियुक्ती होण्याची शक्यता आहे.  शिवसेनेचे रामदास कदम यांच्यासाठी मतदारसंघाची मागणी करण्यात आल्यावर भाजपने विनय नातूंचे तिकीट गेल्या विधानसभेच्या निवडणुकीच्या वेळी कापले. त्यामुळे बंड करुन नातू अपक्ष म्हणून उभे राहिले. त्यामुळे नातू व कदम दोघेही पराभूत झाले आणि राष्ट्रवादी काँग्रेसचे भास्कर जाधव यांचा विजय झाला. आता ही चूक सुधारण्यासाठी नातू यांना पुन्हा पक्षात घेतले जाणार आहे, असे सूत्रांनी सांगितले. आगामी निवडणुकीच्या वेळी नातूंना पुन्हा उमेदवारीही देण्याचेही आश्वासन दिले जाणार आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मुंबई बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Vinay natu planning to join bjp again