मुंबई : मुलुंड येथील जीवन नगर सोसायटीचा गृहप्रकल्प गेल्या १४ वर्षांपासून रखडला असून संबंधित इमारतीतील खरेदीदारांना घरांचा ताबा मिळविण्यासाठी विविध यंत्रणांकडे खेटे घालावे लागते आहेत. गेल्या १४ वर्षांमध्ये प्रकल्पाचे केवळ २५ टक्केच काम पूर्ण झाले आहे.

विकासकांकडे वारंवार पाठपुरावा करूनही खरेदीदारांना उडवाउडवीची उत्तरे मिळत असल्याने अखेर खरेदीदारांनी मातोश्री निसर्ग वेल्फेअर असोसिएशनची स्थापना केली. या संस्थेतील निम्म्याहून अधिक सभासदांनी वयाची साठी ओलांडली आहे. मात्र हक्काच्या घरांसाठी आजही त्यांना लढावे लागत आहे. न्यायासाठी रेराकडे तक्रारी, न्यायालय व विकासकांकडे हेलपाटे घालून ही मंडळी हवालदिल झाली आहेत.

What Poonam Mahajan Said?
भाजपाने तिकिट कापल्यानंतर पूनम महाजन यांची पहिली प्रतिक्रिया, म्हणाल्या, “मी…”
dawood bandu khan arrested marathi news
मुंबई: अखेर ४० वर्षांनंतर दाऊदला अटक
Diva staion Escalator Goes In Opposite Direction Suddenly Panics Commuters shocking video
दिवा स्टेशनवर ऐन गर्दीत सरकता जिना अचानक उलटा फिरला अन्…प्रवाशांनो ‘हा’ VIDEO एकदा बघाच
Woman Strips At Petrol Pump video viral
पेट्रोल पंपावर तरुणीचे लज्जास्पद कृत्य; कर्मचाऱ्यासमोर पँट काढली अन्…; Video व्हायरल
Viral Video Watch Farmer Helps Woman Who Had Her Skirt Ripped At Bus Stop Video will win your heart
बापमाणूस! बस स्टॉपवर फाटला तरुणीचा स्कर्ट; मदतीसाठी ‘त्यानं’ पुढे केला हात, पाहा हृदयस्पर्शी VIDEO
DD news anchor faints during live news reading
Heatwave : उष्माघाताची बातमी देताना दूरदर्शनची अँकर स्टुडिओतच कोसळली, VIDEO व्हायरल
UP 10th Standard Topper Girl Prachi Nigam Facial Hair Controversy
अगं प्राची, दहावी बोर्डात पहिली आलीस पण चेहऱ्यावरचे केस काढता आले नाही? नक्की लाज कुणी सोडलीये?
Mehul Prajapati Canada
वर्षाला ८१ लाख रुपये पगार, तरीही मोफत अन्नावर मारायचा ताव; व्हिडिओ व्हायरल झाल्यानंतर नोकरी गमावली

हेही वाचा – मुंबई : नवीन परीक्षा भवनात छायांकित प्रत केंद्र नसल्यामुळे विद्यार्थ्यांची तारांबळ

महाराष्ट्र नवनिर्माण सेनेचे अध्यक्ष राज ठाकरे यांच्या हस्ते १६ मे २०१० रोजी अक्षय्य तृतीयेच्या मुहूर्तावर मोठ्या थाटामाटात गृहप्रकल्पाचे भूमीपूजन करण्यात आले होते. सुमारे ५ एकर जागेवर उभारण्यात येणाऱ्या या प्रकल्पांतर्गत २८ मजली दोन इमारती बांधण्याचा निर्णय घेण्यात आला होता. मुलुंड (पूर्व) येथील या प्रकल्पात मोठ्या प्रमाणात सर्वसामान्य नागरिकांनी गुंतवणूक केली आहे. विकासकाने इमारतींच्या बांधकामाला विलंबाने सुरुवात केली, असा आरोप खरेदीदारांकडून करण्यात येत आहे. दोन्ही इमारतींमधील १५ मजल्यापर्यंतची घरे मूळ रहिवाशांना देण्यात येणार असून वरील मजल्यांवरील सदनिकांची विक्री करण्यात येणार आहे. या इमारतीचा रेरा क्रमांक नसतानाही विकासकांनी अनेक ग्राहकांकडून आगाऊ रक्कम घेतली असल्याचे खरेदीदारांचे म्हणणे आहे.

खरेदीदार आणि विकासक यांच्यात झालेल्या करारानुसार, २०१८ – १९ मध्ये खरेदीदारांना घरांचा ताबा देण्यात येणार होता. मात्र, अद्यापही त्यांना घराचा ताबा मिळालेला नाही. हक्काचे घर मिळावे यासाठी खरेदीदारांनी न्यायालयात धाव घेतली. खरेदीदारांनी राजकीय नेत्यांकडून मदत मिळविण्यासाठीही खेपा घातल्या, पण त्यातूनही काहीच निष्पन्न झाले नाही. अखेर खरेदीदारांनी एकत्र येऊन मातोश्री निसर्ग वेल्फेअर असोसिएशनची स्थापना करून घरे मिळविण्यासाटी लढा सुरू केला आहे.

हेही वाचा – मुंबई : वृद्धाचे सोने लुटणाऱ्या दोघांना अटक

खरेदीदारांकडून विकासकाला सुमारे १०० कोटी रुपयांहून अधिक रक्कम मिळाली आहे. विकासकाविरोधात २५ हून अधिक रेरा तक्रारी दाखल करण्यात आल्या आहेत. मात्र, रेराकडूनही सकारात्मक प्रतिसाद मिळालेला नाही, अशी खंत मीरचंदानी, खरात, सांगळे आदी खरेदीदारांनी व्यक्त केली.

काही तांत्रिक अडचणींमुळे प्रकल्पाचे बांधकाम २०१५ साली सुरू करण्यात आले. ५० टक्के सभासदांना घराचा ताबा देण्यात आला आहे. तसेच, प्रकल्पाचे काम वेगाने व्हावे, प्रकल्पाला अर्थसहाय्य मिळावे यासाठी आमच्याकडून प्रयत्न सुरू आहेत. – मातोश्री इन्फ्रास्ट्रक्चर प्रायव्हेट लिमिटेड