scorecardresearch

Premium

गोरा कलमाडी..

पुणे आणि कलमाडी हे समीकरण पुण्याच्या निवडणुकीच्या राजकारणात पुरते भिनले आहे. कॉमनवेल्थ क्रीडा स्पर्धाच्या घोटाळ्यामुळे कलमाडींचा चेहरा काँग्रेसच्या झेंडय़ासोबत चौकाचौकात झळकेनासा झाला असला,

गोरा कलमाडी..

पुणे आणि कलमाडी हे समीकरण पुण्याच्या निवडणुकीच्या राजकारणात पुरते भिनले आहे. कॉमनवेल्थ क्रीडा स्पर्धाच्या घोटाळ्यामुळे कलमाडींचा चेहरा काँग्रेसच्या झेंडय़ासोबत चौकाचौकात झळकेनासा झाला असला, तरी आता लोकसभा निवडणुका येऊ घातल्याने पुण्याच्या राजकारणावर सुरेश कलमाडींचे सावट मात्र दाटू लागले आहे. लोकसभेसाठी कलमाडींना काँग्रेसची उमेदवारी मिळेल किंवा नाही, यावर पुण्यात तर्कवितर्क आणि पैजादेखील सुरू झाल्या आहेत, असे म्हणतात. शेवटी जिंकणाऱ्या घोडय़ावरच पैसे लावले जातात. त्यामुळे भ्रष्टाचाराच्या आरोपांनंतरही निवडणुकीच्या राजकारणात कलमाडींचा भाव अजून पुरता ‘पडलेला’ नाही. निवडून येण्याच्या ज्या काही क्षमता मानल्या जातात, त्या साऱ्या कलमाडींच्या ‘खिशात’ असल्याचे त्यांचे विरोधकही मानतात. त्यामुळे खरोखरीच कलमाडी निवडणुकीच्या रिंगणात उतरलेच, तर त्या क्षमतेनिशी त्यांच्याशी टक्कर देण्याची ताकद भाजपच्या गिरीश बापटांना ‘कमवावी’ लागणार आहे. सध्या तरी, गिरीश बापटांनी कलमाडींच्या ‘लकबी’वर ध्यान केंद्रित केले आहे. मुंबईत विधिमंडळाच्या अधिवेशनाच्या पहिल्याच दिवशी गिरीश बापट सभागृहात आले, आणि विरोधकांच्या बाकावर बसले, तेव्हा समोरच्या सत्ताधारी बाकांवरील अनेक जण काही क्षण चक्रावून गेले असे म्हणतात. समोर चक्क कलमाडी बसले असावेत असा भासही काहींना झाला. अगदी तश्शीच दाढी.. कलमाडींसारखीच दाढी राखून गिरीश बापट आता कलमाडींसमोर उभे राहण्याची तयारी करीत आहेत.. विधान भवनाच्या आवारात तर, गिरीश बापटांकडे पाहात सारे जण ‘गोरा कलमाडी’, असेच कुजबुजत होते. साहजिकच आहे म्हणा!.. कलमाडींसारखी चेहरेपट्टी करायला गेल्यावर, चर्चा तर होणारच..

boy saved in dumas sea
१२ वर्षांच्या मुलाची २६ तास समुद्राशी झुंज; गणेशमूर्ती बसवायच्या लाकडी फळीचा मिळाला आधार!
virat kohli
विराट कोहलीची विश्वचषकातून माघार? तातडीने मुंबईला रवाना झाल्याने चर्चांना उधाण
kitchen tips in marathi how to make roti with tea strainer kitchen jugaad video viral
Kitchen Jugaad: चपातीवर चहाची गाळणी नक्की फिरवा; अशी कमाल होईल की तुम्ही विचारही केला नसेल, काय ते VIDEO मध्ये पाहा
stranded passengers near panvel station get immediate help after chief minister call
नवी मुंबई : ८ ते १० तास ट्रेन एकाच ठिकाणी थांबलेली, वैतागलेल्या प्रवाशाचा थेट मुख्यमंत्र्यांना फोन, पुढे काय झालं?

Latest Comment
View All Comments
Post Comment

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: White collar suresh kalmadi for congress

First published on: 25-02-2014 at 03:15 IST

संबंधित बातम्या

तुम्ही या बातम्या वाचल्या आहेत का? ×