24 November 2020

News Flash

शासकीय प्रयोगशाळांमध्ये ६१ टक्के करोना चाचण्या

वैद्यकीय शिक्षण खात्याचा अहवाल

वैद्यकीय शिक्षण खात्याचा अहवाल

नागपूर : आजपर्यंत राज्यभरात सर्वाधिक करोना चाचण्या शासकीय प्रयोगशाळेत झाल्या असून तेथे ६१ टक्के चाचण्या झाल्याचे वैद्यकीय शिक्षण खात्याच्या अहवालातून पुढे आले आहे.

राज्यात मार्च महिन्यात करोनाचा शिरकाव झाल्यावर मुंबई, पुणे, नागपूरसह इतरत्र बोटावर मोजण्या इतक्याच शासकीय व खासगी प्रयोगशाळा होत्या. त्यानंतर शासनाने सर्वच जिल्ह्य़ांत शासकीय प्रयोगशाळा उभारण्यावर भर

दिला. सोबतच खासगी प्रयोगशाळांनाही चाचणीसाठी परवानगी दिली. वैद्यकीय शिक्षण खात्याकडून रोज जारी होणाऱ्या अहवालानुसार, २४ ऑक्टोबरच्या सकाळी ९ वाजतापर्यंत राज्यात ८४ लाख ४२ हजार ६८८ चाचण्या झाल्या.

एकूण चाचण्यांतील ६१.८४ टक्के म्हणजेच ५२ लाख २१ हजार ६२४ चाचण्या शासकीय प्रयोगशाळेत झाल्या. खासगी प्रयोगशाळांमध्ये ३८.१६ टक्के म्हणजेच ३२ लाख २१ हजार ६४ चाचण्या झाल्या.

शासकीय प्रयोगशाळेत झालेल्या एकूण चाचण्यांतील १७.२३ टक्के म्हणजेच ८ लाख ९९ हजार ७८९ रुग्णांना करोना असल्याचे निदान झाले.  खासगी प्रयोगशाळेत १९.९२ टक्के म्हणजेच १६ लाख ८१ हजार ५८० रुग्णांचे अहवाल करोनाबाधित आले.

*राज्यातील एकूण शासकीय प्रयोगशाळेत १७.२३ टक्के, खासगी प्रयोगशाळेत १९.९२ टक्के तर दोन्ही प्रयोगशाळेतील नमुने एकत्र केल्यास सरासरी १९.९२ टक्के रुग्णांचे अहवाल करोनाबाधित आले आहेत.

*नागपूर जिल्ह्य़ात २३ ऑक्टोबरच्या संध्याकाळपर्यंत ५ लाख ९४ हजार १७७  चाचण्या करण्यात आल्या. त्यातील १५.६० टक्के म्हणजेच ९३ हजार ५५ रुग्णांचे अहवाल करोनाबाधित आले. राज्याच्या तुलनेत नागपुरात हे प्रमाण कमी आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 25, 2020 12:15 am

Web Title: 61percent corona tests in government laboratories zws 70
टॅग Coronavirus
Next Stories
1 आदिवासी संशोधन व प्रशिक्षण संस्थेत महत्त्वाची पदभरती कंत्राटी पद्धतीने
2 आरोप-प्रत्यारोपांच्या फैरीत अर्थसंकल्प मंजूर
3 राज्य सरकार पालकांना नव्हे तर खाजगी शाळांना बांधील!
Just Now!
X