28 November 2020

News Flash

अभियांत्रिकीपाठोपाठ राष्ट्रीय तंत्रज्ञान संस्थेतही जागा रिक्त

आरक्षित जागा, प्लेसमेंटच्या अभावाचा फटका

(संग्रहित छायाचित्र)

देवेश गोंडाणे

देशातील गुणवंत विद्यार्थी ज्या संस्थेमध्ये प्रवेश मिळवण्यासाठी जीवाचा आटापिटा करीत असतात, त्या ‘राष्ट्रीय तंत्रज्ञान संस्था’(एनआयटी) या भारतातील अग्रगण्य अभियांत्रिकी शिक्षण संस्थेत सर्व फेऱ्या संपूनही दरवर्षी काही जागा रिक्त राहत असल्याचे वास्तव माहिती अधिकारातून उजेडात आले आहे.

‘आयआयटी’ आणि ‘एनआयटी’मध्ये प्रवेशासाठी दरवर्षी देशभरातील विद्यार्थ्यांची झुंबड उडते. यासाठी लाखो विद्यार्थी जेईई परीक्षेसाठी कठोर मेहनतही करतात. मात्र, विद्यार्थ्यांनी ‘आयआयटी’ आणि ‘एनआयटी’च्या प्रवेशासाठी एवढा आटापिटा करूनही येथील जागा रिक्त राहत असल्याचे चित्र आहे. विद्यार्थ्यांची पहिली पसंती ही ‘आयआयटी’ला असते. त्यापाठोपाठ विद्यार्थी ‘एनआयटी’मध्ये प्रवेशासाठी प्रयत्न करतात. देशभरातील ३१ ‘राष्ट्रीय तंत्रज्ञान संस्थां’मध्ये (एनआयटी) ८ हजार ५० पदवी अभ्यासक्रमाच्या जागांसाठी प्रवेश घेतले जातात. बहूतांश ‘एनआयटी’मध्ये पहिल्या फेरीमध्ये बहुतांश प्रवेश पूर्ण होतात. मात्र, शेवटच्या फेरीनंतर शेकडो जागा रिक्त राहत असल्याचे चित्र आहे. २०१९च्या अधिकृत आकडेवारीनुसार, ३१ एनआयटीमधील ३ हजार ३३४ जागा रिक्त राहिल्या आहेत. यात देशात सर्वाधिक प्रवेश क्षमता असलेल्या रायपूर येथील एनआयटीमध्ये १६१ जागा रिक्त होत्या. याप्रमाणे उपराजधानीतील ‘व्हीएनआयटी’मध्ये ९४, इंडियन इन्स्टिटय़ूट ऑफ आगरतळा २९५, कुरुक्षेत्र-९०, श्रीनगर-२२७, जालंधर- १९८, दिल्ली- ६८ जागा रिक्त होत्या. अनेक राष्ट्रीय संस्थांचे घसरत असलेले मानांकन आणि प्लेसमेंटच्या अभावामुळे विद्यार्थी ‘एनआयटी’कडे पाठ फिरवत असल्याचे शिक्षणतज्ज्ञांचे मत आहे.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 3, 2020 12:04 am

Web Title: apart from engineering there are vacancies in the national institute of technology abn 97
Next Stories
1 करोनाबाधितांमध्ये ३.६१ टक्के दहा वर्षांखालील मुले
2 अभियांत्रिकी महाविद्यालयांवर बंधने
3 सणासुदीच्या काळात कांदा शंभरी पार
Just Now!
X