२४ तासांत ७ मृत्यू; २११ नवीन रुग्ण लोकसत्ता खास प्रतिनिधी नागपूर : जिल्ह्य़ात २४ तासांत ७ करोनाबाधितांचा मृत्यू झाला तर २११ नवीन रुग्णांची भर पडली. त्यामुळे जिल्ह्य़ातील आजपर्यंतच्या बाधितांची संख्या १ लाख ३४ हजार ९२७ रुग्णांवर पोहचली आहे. त्यातील १ लाख २७ हजार ६३७ व्यक्ती करोनामुक्त झाल्याने आता जिल्ह्य़ातील सक्रिय रुग्णांची संख्या ३ हजार ११२ रुग्णांवर (२.३० टक्के) आली आहे. दिवसभरात आढळलेल्या नवीन रुग्णांत शहरातील १५०, ग्रामीणचे ५८, जिल्ह्य़ाबाहेरील ३ अशा एकूण २११ रुग्णांचा समावेश आहे. २४ तासांत शहरात २, ग्रामीणला २, जिल्ह्य़ाबाहेरील ३ असे एकूण ७ मृत्यू झाले. शहरात दिवसभरात १९०, ग्रामीण ४८ असे एकूण २३८ व्यक्ती करोनामुक्त झाले. सध्या गंभीर संवर्गातील ५६३ रुग्णांवर विविध रुग्णालयांत तर २ हजार ३३८ रुग्णांवर गृह विलगीकरणात उपचार सुरू आहेत.
