07 April 2020

News Flash

राष्ट्रवादीच्या नेत्याविरुद्ध फसवणुकीचा गुन्हा

फुसे यांनी चौरसिया यांचे छायाचित्र लावून बनावट स्वाक्षरी करून प्लॉट सुनीता यांच्या नावे केल्याचे समोर आले.

नागपूर : राष्ट्रवादीच्या नेत्याने बनावट दस्तऐवजाद्वारे पत्नीच्या नावे भूखंड नोंदणी करून एका व्यापाऱ्याची फसवणूक केली. याप्रकरणी धनराज रामाजी फुसे (५५) आणि सुनीता धनराज फुसे (४५) रा. साकेतनगरी यांच्याविरोधात बेलतरोडी पोलिसांनी गुन्हा दाखल केला आहे. धनराज हा राष्ट्रवादी काँग्रेसमध्ये प्रदेश सचिव आहे.

गगन मुकूटबिहारी चौरसिया (५२) रा. भाजी मंडी चौक, सीताबर्डी यांनी दिलेल्या तक्रारीवरून हा गुन्हा दाखल करण्यात आला. फुसे हा प्रिया को-ऑपरेटिव्ह सोसायटीचा सचिव आहे. ऑगस्ट २००० मध्ये फुसे यांनी बेलतरोडीतील खसरा क्रमांक ६४,०१ मध्ये लेआऊट तयार केले. यातील एक प्लॉट चौरसिया यांनी ३५ हजार रुपयांमध्ये खरेदी केला. काही महिन्यांपूर्वी ते प्लॉटचा कर भरण्यासाठी गेले असता हा प्लॉट धनराज यांच्या पत्नी सुनीता यांच्या नावे असल्याचे कळले. फुसे यांनी चौरसिया यांचे छायाचित्र लावून बनावट स्वाक्षरी करून प्लॉट सुनीता यांच्या नावे केल्याचे समोर आले. चौरसिया यांनी बेलतरोडी पोलिसांत तक्रार केली. पोलिसांनी फुसे व त्यांच्या पत्नी सुनीता या दोघांविरुद्ध फसवणुकीचा गुन्हा दाखल केला. यापूर्वी अनिता अशोक रेड्डीवार (६५) यांचीही सहा लाख रुपयांनी फसवणूक केल्याप्रकरणी पोलिसांनी फुसेंविरुद्ध गुन्हा दाखल केला होता.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 19, 2020 4:00 am

Web Title: fraudulent offense against ncp leader zws 70
Next Stories
1 सत्ताधारी नगरसेवक-आयुक्तांमध्ये संघर्षांची ठिणगी
2 भांडेवाडीतील कचऱ्यावर वैज्ञानिक पद्धतीने प्रक्रिया
3 Maharashtra HSC Board Exam 2020 : कक्षात उशिरा सोडल्याने विद्यार्थ्यांची तारांबळ
Just Now!
X