News Flash

प्राणवायू, रेमडेसिविर,रुग्णशय्या उपलब्धतेवर लक्ष ठेवा

नागपूर शहरातील कोरोना उद्रेकाच्या पार्श्वभूमीवर विभागीय आयुक्त कार्यालयात त्यांनी सोमवारी बैठक घेतली. 

पालकमंत्र्यांची आढावा बैठक

नागपूर :  करोना नियंत्रण करताना प्राणवायू, रेमडेसिविर व खाटा उपलब्धतेवर काळजीपूर्वक लक्ष ठेवा, असे निर्देश पालकमंत्री नितीन राऊत यांनी प्रशासनाला दिले.

नागपूर शहरातील कोरोना उद्रेकाच्या पार्श्वभूमीवर विभागीय आयुक्त कार्यालयात त्यांनी सोमवारी बैठक घेतली.  नागपूर जिल्ह्यामध्ये सध्या ७ लाख ६१४ शिधापत्रिकाधारक आहेत. जिल्ह्यात तेराशे स्वस्त धान्य दुकाने आहेत. अंत्योदयमध्ये ७७ हजार ७८ पत्रिका धारकांचा समावेश आहे. प्राधान्य धारकामध्ये ३ लाख १५ हजार ८२ पत्रिका धारकांचा समावेश आहे. या सर्वांना प्रति व्यक्ती पाच किलो धान्य मोफत वाटप करणे आवश्यक आहे, त्यानुसार नियोजन करावे. तसेच १८ ते ४४ वयोगटातील लसीकरण संदर्भातही आढावा घेतला. सध्या इंदिरा गांधी रुग्णालय गांधीनगर, पाचपावली महिला रुग्णालय, मनपा आयसोलेशन रुग्णालय इमामवाडा या तीन केंद्रांवर लसीकरण सुरू करता येऊ शकते. तथापि, महापालिकेला आतापर्यंत किती डोसेस प्राप्त झाले आहेत, त्यानुसार हे नियोजन कधी सुरू करायचे हे ठरवले पाहिजे. नागरिकांना ऑनलाईन नोंदणी करताना अडचणी येत असल्याची तक्रार आहे. नोंदणी प्रक्रिया देखील सहज, सुलभ व्हावी यासाठी मार्गदर्शन करणे आवश्यक असल्याचे त्यांनी सांगितले. याकडे महापालिका आयुक्त राधाकृष्णन बी. यांनी लक्ष वेधण्याचे आवाहन त्यांनी केले.

आतापर्यंत रेमडेसिवीरच्या ४ लाख ३५ हजार लसी मिळालेल्या आहेत. उच्च  न्यायालयाने देखील इंजेक्शन पुरवण्याचे आदेश दिले होते. त्यानुसार पुरवठ्याबाबत लक्ष ठेवावे, तसेच प्राणवायूच्या पुरवठ्यात खंड पडू नये म्हणून नियोजन करावे, अशा सूचना राऊत यांनी दिल्या. बैठकीला विभागीय आयुक्त संजीवकु मार, महापालिका आयुक्त राधाकृष्णन बी. व जिल्हाधिकारी रवींद्र ठाकरे उपस्थित होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 4, 2021 1:22 am

Web Title: keep an eye on the availability of oxygen remedies bed akp 94
Next Stories
1 गृहविलगीकरणातील रुग्णांवर उपचार करणाऱ्या डॉक्टरांचाही व्यवसाय जोरात!
2 दहा झोनमधील सहा लसीकरण केंद्र बंद
3 वैद्यकीय प्राणवायू पुरवठय़ासाठी महानिर्मितीची धडपड!
Just Now!
X