01 October 2020

News Flash

प्रमुख व्यापारपेठा, औषध बाजार बंद

बंद दरम्यान गांधीबाग, इतवारी, औषध बाजार कडकडीत बंद होते. मात्र, किराणा ओळ आणि कपडा बाजार नेहमीप्रमाणे सुरू होते.

व्यापाऱ्यांनी अशी दुकाने बंद ठेवून सरकारविरुद्ध घोषणाबाजी केली.

किराणा, कापड दुकाने सुरू

किरकोळ व्यापारात थेट विदेशी गुंतवणुकीच्या केंद्र सरकारच्या निर्णयाविरुद्ध  कॉन्फडरेशन ऑफ इंडिया ट्रेडर्स (कॅट)ने पुकारलेल्या ‘भारत बंद’ला शुक्रवारी नागपुरात समिश्र प्रतिसाद मिळाला. दरम्यान ऑनलाईन विक्रीच्या विरोधात औषध विक्रेत्यांनीही आज बंद पाळला.

बंद दरम्यान गांधीबाग, इतवारी, औषध बाजार कडकडीत बंद होते. मात्र, किराणा ओळ आणि कपडा बाजार नेहमीप्रमाणे सुरू होते. बंदला नाग विदर्भ चेंम्बर्स ऑफ कॉमर्सने पाठिंबा दिला होता. सकाळी विविध व्यापारी संघटनांच्या पदाधिकाऱ्यांनी शहीद चौक इतवारी येथील चंडिका माता मंदिर येथे आरती केली. नंतर सर्व प्रमुख बाजारपेठेत पदयात्रा काढून शासनाच्या निर्णयाचा विरोध केला. गांधीबाग, इतवारी, सराफा बाजार, महाल, रेशीम ओळ होलसेल मार्केट, नेहरू पुतळा, धरमपेठ, दवा बाजार या प्रमुख बाजारपेठा कडकडीत बंद होते.बहूतांश पेट्रोल पंप दुपारी चापर्यंत बंद होते.

गांधीबाग येथील औषध बाजार गुरुवारी मध्यरात्रीपासून ते शुक्रवारी पूर्ण दिवस बंद होता. मेडिकल चौकातील बहुतांश औषध दुकानेही शुक्रवारी उघडली नाहीत. त्यामुळे रुग्णांच्या नातेवाईकांना त्रास झाला.औषध विक्रेत्यांनी संविधान चौकात सरकारच्या विरोधात धरणे दिले. यानंतर मागण्यांचे निवेदन जिल्हाधिकारी यांना सोपवण्यात आले. नागपूर जिल्ह्यत जवळपास पाच हजार पाचशे औषध दुकाने बंद होती. त्यामुळे शहरात दिवसाला होणारी अडीच कोटी रुपयांची उलाढाल ठप्प झाली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 29, 2018 2:58 am

Web Title: major businesspeople close the medicine market
Next Stories
1 गावे विकासात्मकदृष्टीने मजबूत व्हायला हवीत
2 विमा नियमातील बदलाचा वाहन विक्रीला फटका
3 सार्वजनिक विहिरीत बिअरच्या बाटल्या, फाटके जोडे अन् सांडपाणी!
Just Now!
X