जिल्ह्य़ात ३७ टक्के वाहनांची विक्री; चारचाकीहून चारपट दुचाकींची नोंदणी महेश बोकडे, नागपूर दिवाळीच्या महिन्यात आर्थिक मंदी, निवडणुकीसह इतर कारणांनी विदर्भात नेहमीच्या तुलनेत कमी वाहनांची विक्री झाली असली तरी वाहन सेवा संकेतस्थळानुसार विक्री झालेल्यांपैकी ३७ टक्के वाहने एकअया नागपूर जिल्ह्य़ातील आहेत. त्यामुळे नागपूर शहर वाहन विक्रीत प्रथम ठरले. येथे चारचाकीच्या तुलनेत चारपट दुचाकींची विक्री झाली. दिवाळीत वाहन खरेदी करणाऱ्यांची संख्या मोठी आहे. या मुहूर्तावर मोठय़ा संख्येने विविध कंपन्यांकडून विविध योजनाही जाहीर केल्या जातात. या वाहनांच्या खरेदीसाठी दिवाळीच्या आधीपासून नोंदणी केली जाते. यंदा १ ऑक्टोबर ते ३० ऑक्टोबर या काळात विदर्भातील ११ही जिल्ह्य़ातील १३ आरटीओ कार्यालयांमध्ये सगळ्याच संवर्गातील २८ हजार ४३८ वाहनांची विक्री झाली. त्यामुळे शासनाला ८६ कोटी ५५ लाख ४८ हजार २११ रुपयांचा महसूल मिळाला. विक्री झालेल्या वाहनांमध्ये २१ हजार ९३० दुचाकी, ४ हजार ३३७ चारचाकी आणि इतर वाहनांचा समावेश आहे. सर्वाधिक ४ हजार ३२२ वाहनांची विक्री पूर्व नागपूर उपप्रादेशिक परिवहन कार्यालयात झाली. तेथे ३ हजार ३४० दुचाकी तर ५९९ चारचाकी वाहनांची विक्री झाली. नागपूर ग्रामीण प्रादेशिक परिवहन कार्यालयात ३ हजार ७९० तर नागपूर शहर प्रादेशिक परिवहन कार्यालयात २ हजार ४३३ वाहनांची विक्री नोंदवली गेली. नागपूर जिल्ह्य़ातील तिन्ही कार्यालयात या सगळ्या वाहनांच्या विक्रीमुळे तब्बल ४० कोटी १४ लाख ८० हजार २८४ रुपयांचा महसूल मिळाला. सुरुवातीला वाहन विक्रीचा वेग कमी असला तरी नंतर तो वाढला. विविध कंपन्यांच्या नवीन वाहनांना नागरिकांकडून मागणी जास्त असल्याचे नोंदणीवरून दिसते. पुढे वाहन विक्रीत आणखी सकारात्मक परिणाम दिसण्याची आशा आहे.’’ - अतुल आदे, उपप्रादेशिक परिवहन अधिकारी, नागपूर (शहर) वाहन विक्रीची स्थिती (१ ते ३० ऑक्टोबर २०१९) कार्यालय वाहन संख्या महसूल (रु.) नागपूर (शहर) २४३३ ११,२९,०३,५२६ नागपूर (पूर्व) ४३२२ १५,४७,१९,७८१ नागपूर (ग्रा.) २४३३ १३,३८,५६,९७७ अकोला २०७६ ४,८७,८०,६६३ अमरावती २७९१ ८,७१,२०,१०७ भंडारा १३४४ २,७८,०९,४०८ बुलढाणा १७२६ ४,६४,६३,४६८ चंद्रपूर २७९४ ८,६०,५१,३०३ गडचिरोली ६१० १,९६,४६,००६ गोंदिया १५७४ २,८२,२६,८६१ वर्धा १४७१ ३,४६,३१,०३९ वाशीम ८६० १,९७,८०,८१९ यवतमाळ २६४७ ६,५५,५८,२५३
