News Flash

गतिमंद मुलीच्या गर्भपातासाठी उच्च न्यायालयात याचिका

गडचिरोली जिल्हयातील एका गतिमंद मुलीवर बलात्कार करण्यात आला.

नागपूर : बलात्कारानंतर गर्भवती राहिलेल्या एका गतिमंद मुलीचा २२ आठवडे ९ दिवसांचा गर्भ पाडण्यासाठी तेजस जस्टीस फाऊंडेशनच्या पदाधिकाऱ्यांनी उच्च न्यायालयाच्या नागपूर खंडपीठात याचिका दाखल केली. या याचिकेवर न्या. सुनील शुक्रे आणि न्या. अविनाश घारोटे यांनी शासकीय वैद्यकीय महाविद्यालय व रुग्णालयाच्या (मेडिकल) वैद्यकीय मंडळाला गर्भवती महिलेच्या सर्व तपासण्या करून १२ फेब्रुवारीपर्यंत अहवाल सादर करण्याचे आदेश दिले.

गडचिरोली जिल्हयातील एका गतिमंद मुलीवर बलात्कार करण्यात आला. यातून गतिमंद मुलगी गर्भवती झाली.  या प्रकरणात वडसा, देसाईगंज पोलीस ठाण्यात गुन्हा दाखल करण्यात आला. तेजस जस्टीस फाऊंडेशनच्या विमल रामदास रामटेके यांनी ग्रामीण रुग्णालयाच्या डॉक्टरकडे तिचा गर्भपात करण्याची विनंती केली. पण, डॉक्टरांनी गर्भ हा २२ आठवडे ९ दिवसांचा असल्याने  नकार दिला. गर्भपातासाठी न्यायालयाच्या आदेशाची आवश्यकता असल्याचे सांगितले. त्यामुळे त्यांनी उच्च न्यायालयात याचिका दाखल केली.   याचिकाकर्त्यांतर्फे अ‍ॅड. एन. टी. ग्वालबंश आणि अ‍ॅड. राजेश नायक यांनी काम पाहिले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 11, 2021 1:21 am

Web Title: petition in high court for abortion of mentally challenged girl zws 70
Next Stories
1 अवनी शिकार प्रकरणात सचिव, मुख्य वनसंरक्षकांना अवमान नोटीस
2 राज्यपाल नियुक्त सदस्य प्रकरणी न्यायालयात दाद मागणार-पटोले
3 यापुढे वयस्कांना निरोप, तरुणांना संधी!
Just Now!
X