12 August 2020

News Flash

भाजी विकत असताना ९० टक्क्यांची सुवार्ता कळली

कौटुंबिक जबाबदारीसमोर त्याने स्वत:चा निकालही बघितलेला नव्हता.

संग्रहित छायाचित्र

शाळेत जाण्यापूर्वी आणि शाळेतून आल्यावर वडिलांसोबत रस्त्यावर बसून भाजी विकायची आणि त्यातून घराचा उदरनिर्वाह चालवायचा, कुठलीही शिकवणी नाही आणि घरात शैक्षणिक वातावरणही नाही. परंतु अशाही परिस्थितीत नेताजी सुभाषचंद्र बोस शाळेच्या निखिल रितेश नंदनवार या विद्यार्थ्यांने ९० टक्के  गुण मिळवले. त्याला ही सुवार्ता कळली तेव्हाही तो रात्रीच्या जेवणाची व्यवस्था करण्यासाठी भाजीच विकत होता. भरतवाडा परिसरात राहणारा निखिल हा अभ्यासात हुशार असला तरी आर्थिक स्थिती चांगली नसल्यामुळे  महागडय़ा आणि मोठय़ा शाळेत प्रवेश घेऊ शकला नाही.

वडिलांचा भाजी विक्रीचा व्यवसाय. आई गृहिणी. बहीण-भावाचा शिक्षणाचा खर्च वडिलांना झेपत नव्हता. त्यामुळे तो वडिलांसोबत भाजी विकायला लागला. निकाल लागला त्यावेळी  शाळेतील शिक्षक त्यांच्या घरी शाळेतून प्रथम आल्याचे सांगायला गेले त्यावेळी तो रस्त्यावर बसून भाजी विकत होता. कौटुंबिक जबाबदारीसमोर त्याने स्वत:चा निकालही बघितलेला नव्हता.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 30, 2020 12:23 am

Web Title: while selling vegetables got 90 percent good news abn 97
Next Stories
1 अत्याधुनिक रेल्वे इंजिनसाठी नागपुरात आगार
2 समृद्धी महामार्गाचे विदर्भातील ४० टक्के काम पूर्ण
3 स्थलांतरित कामगारांना परत बोलावल्याने भूमिपुत्रांवर गदा
Just Now!
X