गडचिरोली : छत्तीसगड-ओडिशा सीमेवर मंगळवारी सकाळी झालेल्या चकमकीत १४ नक्षलवाद्यांना कंठस्नान घालण्यात छत्तीसगड पोलिसांना यश आले. मृत नक्षलवाद्यांमध्ये ओडिशा राज्याचा प्रभारी, केंद्रीय समिती सदस्य जयराम उर्फ चलपती याचा समावेश असून त्याच्यावर विविध राज्यांमध्ये दोन कोटींपेक्षा अधिकचे बक्षीस होते. मिलिंद तेलतुंबडेनंतर चकमकीत ठार झालेला जयराम हा दुसरा केंद्रीय समिती सदस्य आहे. अजूनही चकमक सुरू असल्याने मृतांचा आकडा वाढू शकतो, असे पोलिसांनी सांगितले.

छत्तीसगड पोलिसांनी दिलेल्या माहितीनुसार, मंगळवारी सकाळच्या सुमारास छत्तीसगड-ओडिशा सीमेवरील गरियाबंद जिल्ह्यातील मैनपूर कुल्हाडीघाट जंगल परिसरात मोठ्या संख्येने नक्षलवादी एकत्र आल्याची माहिती सुरक्षा यंत्रणेला मिळाली होती. यावरून त्याभागात एक हजाराहून अधिक सुरक्षा जवानांनी संयुक्तपणे नक्षलविरोधी अभियान राबाविले. दरम्यान, जंगलात दडून बसलेल्या नक्षलवाद्यांनी पोलिसांच्या दिशेने जोरदार गोळीबार केला. सुरक्षा जवानांनीदेखील तेवढ्याच प्रखरतेने प्रत्युत्तर दिले. पोलिसांचा वाढता दबाव पाहून नक्षलवादी जंगलाचा दिशेने पळून गेले.

Ajit Pawar On Raigad DPDC Meeting
Ajit Pawar : महायुतीत धुसफूस? ‘डीपीडीसी’च्या बैठकीला शिंदेंचे आमदार गैरहजर; अजित पवारांचं मोठं विधान; म्हणाले, “कोणत्याही आमदारांना…”
AAP defeat in Delhi polls is a setback to Uddhav Thackeray and Sharad Pawar
Delhi Assembly Election: पराभव ‘आप’चा, धक्का उद्धव ठाकरे…
posters praising eknath shinde as man of god displayed in front of pimpri chinchwad municipal corporation
“एकनाथ शिंदे देव माणूस”, पिंपरीत झळकले फ्लेक्स; त्यांच्या योजना बंद करू नका अशी विनंती करण्यात आली
when dcm ajit pawar points an ak 47 rifle at media representatives
माध्यम प्रतिनिधींवर उपमुख्यमंत्री अजित पवार ‘एके-४७’ बंदूक रोखतात तेव्हा…
Shiv Sena mouthpiece claims tension between Fadnavis and Shinde
एसटी महामंडळातील नियुक्तीवरून मुख्यमंत्र्यांची शिंदे गटावर कुरघोडी
Sanjay Shirsat On Shivsena
Sanjay Shirsat : एकनाथ शिंदे अन् उद्धव ठाकरेंबाबत शिंदे गटाच्या नेत्याचं मोठं विधान; म्हणाले, ‘संधी मिळाल्यास दोन्ही शिवसेना…’
Deputy Chief Minister Eknath Shinde criticizes Uddhav Thackeray jejuri pune news
ज्यांनी विचार सोडले, त्यांना जनतेने थारा दिला नाही; उपमुख्यमंत्री एकनाथ शिंदे यांची उद्धव ठाकरेंवर टीका
Devendra Fadnavis On Ramdas Kadam
मविआच्या काळात फडणवीस-शिंदेंना अटक करण्याचा कट रचला गेला का? महायुती सरकारकडून तपासासाठी SIT स्थापन

हेही वाचा >>>एसटीच्या मोकळ्या जागा विकासकाच्या घशात… संघटना म्हणते धर्मादाय संस्था…

चकमकीनंतर जवानांनी घटनास्थळाची तपासणी केली असता १४ नक्षलवाद्यांचे मृतदेह आढळून आले. यामध्ये ओडिशा राज्याचा प्रभारी तसेच नक्षलवाद्यांच्या केंद्रीय समितीचा सदस्य जयराम उर्फ चलपती देखील ठार झाला. मृतांमध्ये आणखी काही मोठे नक्षल नेते मारल्या गेल्याची शक्यता वर्तवण्यात येत आहे. दुपारपर्यंत पोलिसांची शोधमोहीम सुरूच असल्याने मृतांचा आकडा वाढू शकतो, असे छत्तीसगडच्या पोलीस प्रशासनाने सांगितले.

बिजापूर येथील हल्ल्यात १२ जवान शहीद झाल्यानंतर सुरक्षा यंत्रणेने नक्षलविरोधी मोहीम अधिक तीव्र केली असून नवीन वर्षाच्या पहिल्याच महिन्यात आत्तापर्यंत ४४ नक्षलवाद्यांना ठार करण्यात यंत्रणेला यश आले आहे.

हेही वाचा >>>“सुधीर मुनगंटीवार मंत्री होत नाही तोवर पादत्राणे…” चंद्रपुरातील ‘या’ व्यक्तीने घेतला संकल्प

मिलिंद तेलतुंबडेनंतर जयराम…

नक्षलवाद्यांच्या यंत्रणेत केंद्रीय समितीला सर्वोच्च स्थान आहे. या समितीच्या सदस्यांवर मोठी जबाबदारी असते. त्यामुळे चकमकीत केंद्रीय समिती सदस्य ठार झाल्याची खूप कमी प्रकरणे आहेत. पाच वर्षांपूर्वी महाराष्ट्र, मध्यप्रदेश, छत्तीसगडचा प्रभारी केंद्रीय समिती सदस्य तसेच नक्षल चळवळीचा जहाल नेता मिलिंद तेलतुंबडे चकमकीत ठार झाला होता. गडचिरोली पोलिसांनी ही मोहीम फत्ते केली होती. त्यानंतर चकमकीत ठार झालेला जयराम उर्फ चलपती हा दुसरा केंद्रीय समिती सदस्य आहे. त्याच्यावर ओडिशा राज्याची जबाबदारी होती. विविध राज्यांत त्याच्यावर  २  कोटींहून अधिकची बक्षिसे होती.

Story img Loader