चंद्रपूर : २५ उपकेंद्रासाठी २६९ एकर जमीन महावितरणला भाडेपट्ट्यावर उपलब्ध

चंद्रपूर : मुख्यमंत्री सौर कृषी वाहिनी योजना २.० च्या अनुषंगाने चंद्रपुर जिल्ह्यातील २५ उपकेंद्रासाठी २६९ एकर जमीनीचे भाड़ेपट्टा करारावर जिल्हाधिकारी विनय गौडा यांनी महावितरणला उपलब्ध करून दिली आहे. त्यामुळे जिल्हा सर्वप्रथम शेतीसाठी शंभर टक्के सौर ऊर्जा वापरणारा होवून शेतीला दिवसाचे २४ तास वीज उपलब्ध होणार आहे.

आणखी वाचा

चंद्रकांत पाटील म्हणतात, ‘मी पुण्याचा सहपालकमंत्री!’

“नांदेड अन् घाटी रूग्णालयातील मृत्यूप्रकरणी चौकशी समिती, दोषींवर…”, मुख्यमंत्र्यांचा इशारा; जिल्हाधिकाऱ्यांना ‘हे’ निर्देश

ठाणे जिल्ह्यात १८ हजार पोलिसांचा बंदोबस्त

सोयाबीनवर पिवळा मोझॅकचे आक्रमण, चंद्रपूर जिल्ह्यातील नुकसानग्रस्त शेतकऱ्यांसाठी विशेष पॅकेज जाहीर करा; पालकमंत्री मुनगंटीवार यांची मागणी

याबद्दल महावितरण चंद्रपूर परिमंडळाचे मुख्य अभियंता सुनील देशपांडे व चंद्रपूर मंडलाच्या अधीक्षक अभियंता संध्या चिवंडे यांनी जिल्हाधिकारी विनय गौड़ा जी. सी. यांची सदिच्छा भेट घेऊन अभिनंदन केले. महावितरणच्या चंद्रपूर जिल्हयातील ५८ विविध उपकेंद्रांच्या परिसरामध्ये एकंदरीत ६७९ एकर जमिनीची आवश्यकता आहे. ४५ उपकेंद्र परिसरात जमीनीचा शोध पूर्ण झाला आहे.

आणखी वाचा-दोन्ही खिशात पैसे तर एकाच खिशातील कसे लुटले? पोलिसांचा तर्क अन् बनाव उघड

खाजगी जमीन मालकांकडून २६ उपकेंद्रांच्या परिसरात ३०२.५५ एकर जागा उपलब्ध झाली असून ७ उपकेंद्रांच्या परिसरात ५८ एकर जागा अंशत: मिळाली आहे. या सव्वीस खाजगी जमीन मालकांना आता हेक्टरी सव्वालाख मिळणार आहेत.

शेतकऱ्यांना दिवसा वीज पुरवठा करण्यासाठी सौर ऊर्जा वापरून ७००० मेगावॅट वीजनिर्मिती करणे आणि २०२५ पर्यंत ३० टक्के कृषी फीडर्स सौर ऊर्जेवर चालविणे असे ‘मिशन २०२५ या अभियानाच्या माध्यमातून निश्चित करण्यात आले आहे.

आणखी वाचा-आनंदवार्ता! मेडिकल रुग्णालयात आता लहान मुलांच्या ‘ॲलर्जी’ची तपासणी

महावितरणच्या जवळच्या ३३/११ कि.व्हो. उपकेंद्राच्या ५ किमीच्या परिघात आहे अशा पडीक जमिनीतून सौरउर्जा पिकविण्याची मुख्यमंत्री सौर कृषी वाहिनी योजना २.० मधून दरवर्षी हेक्टरी सव्वा लाख रुपये मिळण्याची शेतकरी बांधवांच्या दारी सुवर्णसंधी उपलबध झाली आहे.