scorecardresearch

Premium

भरधाव ट्रकची दुचाकीला धडक; पती-पत्नी ठार, मुलगी गंभीर

दिलीप डोमाजी लेंडे (वय ४५) आणि पत्नी सारिका दिलीप लेंडे (वय ४०, रा. संताजीनगर, बुटीबोरी) असे मृत दाम्पत्याचे नाव असून लावण्या लेंडे (१३) असे जखमी मुलीचे नाव आहे.

husband wife died 13-year-old daughter seriously injured accident truck two-wheeler Gumgaon nagpur
दिलीप डोमाजी लेंडे आणि पत्नी सारिका दिलीप लेंडे (छायाचित्र- लोकसत्ता टीम)

गुमगाव: भरधाव ट्रकने दुचाकीला धडक दिल्याने पती-पत्नी जागीच ठार झाले तर त्यांची १३ वर्षीय मुलगी गंभीर जखमी झाली. ही दुर्दैवी घटना वर्धा मार्गावर जामठा शिवारात बेलेजा सर्व्हिस सेन्टर समोर शनिवारी सकाळी १० वाजता घडली. दिलीप डोमाजी लेंडे (वय ४५) आणि पत्नी सारिका दिलीप लेंडे (वय ४०, रा. संताजीनगर, बुटीबोरी) असे मृत दाम्पत्याचे नाव असून लावण्या लेंडे (१३) असे जखमी मुलीचे नाव आहे.

पोलिसांनी दिलेल्या माहितीनुसार, दिलीप लेंडे यांची मुलगी लावण्या आजारी असल्यामुळे तिला दवाखान्यात नेत होते. दुचाकीवर पत्नी सारिका व लावण्या बसलेल्या होत्या. जामठ्याजवळून जात असताना मागून भरधाव आलेल्या ट्रकने दुचाकीला धडक दिली. दुचाकी जवळपास ५०० ते ७०० मीटरपर्यंत फरफटत गेली. दिलीप आणि सारिका हे ट्रकमध्ये अडकल्याने त्यांचा जागीच मृत्यू झाला तर आजारी मुलगी लावण्या ही रस्त्यावर फेकल्या गेल्याने ती गंभीर जखमी झाली.

11 year old boy created a mosaic art of Shree Ram
Viral video : रुबिक्स क्यूबच्या मदतीने साकारले प्रभू श्रीराम! पाहा ११ वर्षांच्या या मुलाची अद्भुत कला…
Woman shot dead in Hinjewadi
पुणे : हिंजवडीत अभियंता महिलेची गोळ्या झाडून हत्या; आरोपीला अटक
Police officer sunil khaire dies in court thane a
ठाणे: पोलीस अधिकाऱ्याचा न्यायालयात मृत्यु
Alyy Khan Kajol kissing scene
“माझा व काजोलचा किसिंग सीन मी पत्नी अन् मुलीबरोबर पाहिला”, अभिनेत्याचा खुलासा; त्यांची प्रतिक्रिया सांगत म्हणाला…

हेही वाचा… ‘ॲप’द्वारे आहाराची निवड; असा घेणार जीवनशैलीचा मागोवा…

रस्त्याने जाणाऱ्या वाहनचालकांनी अपघातग्रस्तांना मदत केली. नागरिकांच्या मदतीने जखमी मुलीला शहरातील खाजगी रुग्णालयात उपचारासाठी पाठविण्यात आले. खूप उशिरा पोहचलेल्या हिंगणा पोलिसांनी घटनास्थळ पंचनामा करून मृतदेह उत्तरीय तपासणीकरिता पाठवला. पोलिसांनी ट्रक ताब्यात घेतला. मात्र, चालक घटनास्थळावरून फरार झाला. मृतक दिलीप यांचा मुलगा अमृत लेंडे यांनी दिलेल्या फिर्यादीवरून हिंगणा पोलिसांनी ट्रक चालकाविरोधात गुन्हा दाखल केला असून फरार चालकाचा शोध सुरु केला आहे.

अपघात झाल्यानंतर नागरिकांनी आणि बघ्यांनी अपघातस्थळावर प्रचंड गर्दी केली. अनेक चालक रस्त्यावरच वाहन थांबवून अपघात बघत होते. हिंगणा पोलिसांना माहिती देण्यात आली. मात्र, नेहमीप्रमाण हिंगणा पोलीस उशिरा पोहचले. त्यामुळे रस्त्यावर मोठी वाहतूक कोंडी निर्माण झाली होती. अपघातग्रस्तांना मदत करण्याऐवजी पोलीस वाहतूक कोंडी फोडण्यावर भर देत होते, अशी माहिती एका नागरिकाने दिली.

Latest Comment
View All Comments
Post Comment

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: A husband and wife died while their 13 year old daughter was seriously injured in an accident between a truck and a two wheeler in gumgaon nagpur adk 83 dvr

First published on: 03-12-2023 at 09:22 IST

आजचा ई-पेपर : नागपूर / विदर्भ

वाचा
epaper image

संबंधित बातम्या

तुम्ही या बातम्या वाचल्या आहेत का? ×