चंद्रपूर जिल्ह्यातील सिंदेवाही तालुक्यातील काच्चेपार येथे वाघाने धुमाकूळ घातला असतानाच आता सिंदेवाही शहरापासून पाच ते सहा किलोमीटर अंतरावरील कोटा या गावात चक्क एका घरात बिबट घुसल्याची घटना घडली आहे. या घटनेमुळे परिसरात एकच खळबळ उडाली आहे. हेही वाचा- नागपूर : गडकरींच्या शहरातील रस्त्यांवर खड्डे; आम आदमी पार्टीचे आंदोलन गावातील घरात बिबट घुसल्याची माहिती मिळताच वनविभागाचे कर्मचारी व पोलीस कर्मचारी पहारा देत आहेत तसेच गावातील नागरिकांनी बिबट पाहण्याकरिता गर्दी केली आहे. सिंदेवाही तालुक्यात काच्चेपार येथे नुकताच वाघाच्या हल्ल्यात गुराख्याचा मृत्यू झाला. तर याच गावात बिबट्याने घरात घुसून धुमाकूळ घातलाय. दरम्यान गाव परिसरात वाघ, बिबट, अस्वल या जंगलातील वन्य प्राण्यांचा वावर दिसून येत आहे.
