राज्याचे उपमुख्यमंत्री आणि गृहमंत्री देवेंद्र फडणवीस यांच्या नागपुरातील घरासमोर बॉम्ब ठेवला असून लवकरच स्फोट होणार आहे, असा फोन नागपूर पोलीस नियंत्रण कक्षाला आला. त्यामुळे पोलिसांची चांगलीच तारांबळ उडाली. स्थानिक पोलिसांसह गुन्हे शाखेचे सर्वच अधिकाऱ्यांनी फोन करणाऱ्या व्यक्तीचा शोध घेतला. त्याला मध्यरात्रीला ताब्यात घेण्यात आले असून त्याची चौकशी पोलीस करीत आहेत.

या बातमीसह सर्व प्रीमियम कंटेंट वाचण्यासाठी साइन-इन करा

हेही वाचा >>>गडचिरोली: भामरागड तालुक्यातील दुचाकी रुग्णवाहिकेचा फसवा प्रयोग; प्रसिद्धीसाठी अधिकाऱ्यांची चमकोगिरी

पोलिसांनी दिलेल्या माहितीनुसार, भारतीय जनता पक्षाचे नेते आणि राज्याचे गृहमंत्री देवेंद्र फडणवीस यांच्या नागपुरातील घरासमोर बॉम्ब ठेवल्याच्या धमकीचा फोन सोमवारी रात्री नागपूर पोलीस नियंत्रण कक्षाला आला. पोलीस दलात एकच खळबळ उडाली. यानंतर नागपूर पोलिसांच्या बॉम्ब शोधक पथकाने रात्री १२ वाजताच्या सुमारास देवेंद्र फडणवीस यांच्या घराची तपासणी केली. तसेच पोलीस आयुक्तांनी लगेच अधिकाऱ्यांना सूचना देऊन आरोपीचा शोध घेण्यास सांगितले. नागपूर पोलिसांनी फोन करणाऱ्या व्यक्तीला ताब्यात घेण्यात आले. हा ‘फेक कॉल’ असल्याचे तपासात समोर आले आहे. हा खोडसाळपणा करणाऱ्याची पोलीस कसून चौकशी करीत आहेत. सध्याच्या स्थितीत गृहमंत्री देवेंद्र फडणवीस यांच्या घरी कोणतीही सुरक्षा वाढवण्यात आलेली नाही.

हेही वाचा >>>नागपूर: मूत्रपिंड प्रत्यारोपणाला अडचणींचा थांबा!

सूत्रांच्या माहितीनुसार, फडणवीस यांच्या घरासमोर बॉम्ब ठेवल्याची धमकी देणारा ‌व्यक्ती दुखावलेला होता. त्याने केवळ दिशाभूल करण्याच्या उद्देशाने हा फोन केला होता. त्याच्या कॉलमध्ये सांगण्यात आल्याप्रमाणे बॉम्ब किंवा कोणतीही वस्तू तिथे आढळलेले नाहीत. तसेच पुढील कारवाई केली जात आहे, अशी माहिती पोलीस आयुक्त अमितेश कुमार यांनी दिली.

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: A threatening phone call to the police control room regarding a bomb in front of deputy chief minister devendra fadnavis house adk 83 amy
First published on: 28-03-2023 at 13:15 IST