लोकसत्ता टीम

वर्धा : गुन्हेगाराची हिंमत वाढली की तो कोणत्या थराला जाईल याचा नेम नसतो. थेट पोलीस उपनिरीक्षकास मारहाण करणाऱ्या एका गुन्हेगाराची हिंमत पाहून पोलीस खातेही चक्रावून गेले आहे.

Anger due to rainwater entering the house Former corporator beten in Nagpur
पावसाचे पाणी घरात शिरल्याने संताप, नागपुरात माजी नगरसेवकाला चोप
vijay wadetiwar
“तुकाराम मुंढेंची बदली आता थेट अमेरिका किंवा चीनला करा”, विजय वडेट्टीवारांची शिंदे सरकारवर टीका!
Rape case Story
१२ व्या वर्षी गँगरेप, १३व्या वर्षी मातृत्त्व; २४ वर्षांनी त्याच मुलाने आईचे पांग फेडले, नराधमांना शोधून घेतला बदला!
drunken man was pelting the young man with a stone video goes viral
वर्धा : दारूडा ‘त्याला’ दगडाने ठेचत होता; लोकांची मात्र बघ्याची भूमिका! काही जण व्हिडिओ काढण्यात व्यग्र…
private bus collided with a truck on Samriddhi Highway Driver and carrier are serious
‘समृद्धी’वरील अपघात थांबता थांबेना! खासगी बसची ट्रकला धडक; चालक,वाहक गंभीर
Mark Rutte bicycle video
ना जाहिरातबाजी, ना सोहळा… ‘या’ देशाचे पंतप्रधान राजीनामा देऊन सायकलवर बसून घरी गेले, VIDEO व्हायरल
Six police personnel hastily suspended for financial transactions in copper theft case
वर्धा : सहा पोलीस कर्मचारी तडकाफडकी निलंबित, जाणून घ्या काय आहे कारण…
Ghatkopar hoardings
घाटकोपर होर्डिंग दुर्घटनेप्रकरणी मोठी अपडेट; होर्डिंगला परवानगी देणाऱ्या IPS अधिकाऱ्याच्या पत्नीचं कनेक्शन? अनोळखी खात्यातून व्यवहार

सेवाग्रामलगत करंजी काजी येथील ही घटना आहे. येथील हर्षल नेहारे याच्याकडे पिस्तूल असल्याची गोपनीय माहिती पोलिसांना मिळाली होती. तसेच त्याने गावात पिस्तूलने मारण्याची धमकी दिल्याची चर्चा होती. ही माहिती मिळाल्यावर पोलीस उपनिरीक्षक शिवराज कदम, पोलीस शिपाई संजय लाडे, चालक कोमल हे शासकीय वाहनाने करंजी काजी या गावात पोहचले. तेव्हा हर्षल नेहारे हा घरीच असल्याचे दिसून आले. मात्र पोलिसांना पाहून त्याने वेगळाच पवित्रा घेतला. पोलीस पाहून त्याने जमिनीवर हातपाय आपटायला सुरवात केली. ओरडू लागला. तसेच जोरजोरात पोलिसांना शिवीगाळ करणे सुरू केले. त्याचे हे रूप पाहून पोलीस अचंबित झाले. पण, आरोपीस ताब्यात घ्यायचेच होते. म्हणून पोलीस उपनिरीक्षक शिवराज कदम यांनी त्यास शांत राहण्यास सांगितले.

आणखी वाचा-पावसाचे पाणी घरात शिरल्याने संताप, नागपुरात माजी नगरसेवकाला चोप

तसेच समजही दिली. पण तो ऐकायला तयार नव्हता. त्याने अश्लील भाषेत शिवीगाळ सुरू केली. आक्रमक झाला. लाता बुक्क्यांनी मारहाण सुरू केली. कदम यांना जखमी केले. कदम यांना ढकलून देत पळून जाण्याचा प्रयत्न केला. पण, पोलिसांनीही त्यास पकडण्याचा पक्का निर्धार केलाच. त्याची झडती घेण्यात आली. तेव्हा त्याच्या कमरेस एक देशी बनावटीचे पिस्तूल आढळून आले. ते उपस्थित पंचांसमक्ष जप्त करण्यात आले. आरोपी व शस्त्र सेवाग्राम पोलिसांच्या ताब्यात आहे. पोलीस निरीक्षक कदम यांनी याप्रकरणी तक्रार दाखल केली. आरोपी हर्षल घनश्याम नेहारे, याच्यावर शासकीय कर्तव्यास बाधा आणणे व अन्य कलमांखाली गुन्हे दाखल करण्यात आले. आता या गुन्ह्यांचा तपास पोलीस उपनिरीक्षक वसंत शुक्ला हे करीत आहेत.

आणखी वाचा-नागपूर विमानतळ बॉम्बने उडवण्याची पुन्हा धमकी

या घटनेची पोलीस वर्तुळात चांगलीच चर्चा आहे. आरोपी हर्षल याची कसून चौकशी करण्यात येत आहे. त्याने पिस्तूल कुठून आणले, तो कोणाला मारण्याची धमकी देत होता, यापूर्वी त्याने गावात किंवा अन्य ठिकाणी धमकी देण्याचे प्रकार केलेत का, याची चौकशी होणार असल्याची माहिती आहे. पोलीस उपनिरीक्षक कदम यांनी दाखविलेल्या धाडसाची प्रशंसा होत आहे. आरोपी नेहारे याच्यावर विविध कलमांखाली गुन्हे दाखल झाले असून त्याने अटक करताना दाखविलेला विक्षिप्तपणा चर्चेचा विषय ठरला आहे.