अकोला : शहरातील रायलीजीन भागातून व्यावसायिक अरुण वोरा यांचे अपहरण केल्यानंतर एक कोटी रुपयांची खंडणी मागण्याचा अपहरणकर्त्यांचा डाव फसला आहे. दोन दिवसानंतर व्यावसायिक बुधवारी मध्यरात्री घरी सुखरूप परतले. या प्रकरणी पोलिसांनी तपासाला वेग देऊन पाच आरोपींना गजाआड केले. आरोपींकडून शस्त्रांसह मुद्देमाल देखील जप्त करण्यात आला आहे.

शहरातील दगडीपूल परिसरात अरुण वोरा यांचे रिकाम्या काच बॉटलचे दुकान आहे. सोमवारी रात्री काम आटोपून ते घरी जाण्यासाठी निघाले असता तीन ते चार जणांनी शस्त्राचा धाक दाखवून त्यांना चारचाकी गाडीत डांबले. पांढऱ्या रंगाच्या गाडीतून भरधाव वेगात अपहरणकर्ते व्यावसायिकाला घेऊन पसार झाले. या प्रकरणी रामदासपेठ पोलीस ठाण्यात गुन्हा दाखल करून तपास करण्यात आला. व्यावसायिकाचा शोध घेण्यासाठी पथके विविध भागात रवाना करण्यात आली होती. दोन दिवसांपासून व्यावसायिकाचा शोध न लागल्याने माहिती देणाऱ्यासाठी २५ हजार रुपयांचे बक्षीस देखील जाहीर करण्यात आले. दरम्यान, स्थानिक गुन्हे शाखेला देखील तपासाचे आदेश दिल्यावर दोन पथके गठित करण्यात आले. आरोपी मिथुन सुधाकर इंगळे रा.चिवचिव बाजार, अकोला, किशोर पुंजाजी दाभाडे, शरद पुंजाजी दाभाडे, दोन्ही रा. ग्राम कळंबेश्वर, फिरोज खान युसूफ खान रा.अकोला, अशिष अरविंद घनबाहादुर रा. बोरगाव मंजू, राजा सरफराज खान रा. कान्हेरी सरप, चंदु इंगळे रा.खदान व अन्य एक अशा आठ जणांनी अरुण वोरा यांचे अपहरण केल्याची गोपनीय माहिती पोलिसांना मिळाली. दरम्यान, अपहृत अरुण वोरा बुधवारी मध्यरात्री घरी परतले.

Woman Strips At Petrol Pump video viral
पेट्रोल पंपावर तरुणीचे लज्जास्पद कृत्य; कर्मचाऱ्यासमोर पँट काढली अन्…; Video व्हायरल
Akola, Mother-in-law, murder,
अकोला : सासूची हत्या करून अपघाताचा रचला बनाव; चारित्र्यावर संशय घेतल्याने जावयाने….
Drunk Girls Viral Video
दारूच्या नशेत कपडे उतरवत रस्त्याच्या मधोमध तरुणीचा धिंगाणा, पोलिसांनाही वाटली लाज, घटनेचा व्हिडिओ व्हायरल
brick kiln owner allegation on mla ravi rana for giving 70 thousand free bricks for his bungalows construction
आ. रवी राणांच्या बंगल्‍याच्‍या बांधकामासाठी मोफत ७० हजार विटा; वीटभट्टी व्‍यावसायिकांचा आरोप, म्हणाले,‘राणांनी.
dawood bandu khan arrested marathi news
मुंबई: अखेर ४० वर्षांनंतर दाऊदला अटक
yavatmal, Tehsildar car,
यवतमाळ : तहसीलदाराच्या कारने दुचाकीस उडविले, दोघांचा मृत्यू
Viral Video Watch Farmer Helps Woman Who Had Her Skirt Ripped At Bus Stop Video will win your heart
बापमाणूस! बस स्टॉपवर फाटला तरुणीचा स्कर्ट; मदतीसाठी ‘त्यानं’ पुढे केला हात, पाहा हृदयस्पर्शी VIDEO
What Poonam Mahajan Said?
भाजपाने तिकिट कापल्यानंतर पूनम महाजन यांची पहिली प्रतिक्रिया, म्हणाल्या, “मी…”

हेही वाचा >>>मतदानावरून काँग्रेस नेते साजिद खान यांची मौलवींना शिवीगाळ, ॲड. प्रकाश आंबेडकरांविषयीही अपशब्द; वंचितच्या तक्रारीवरून…

त्यांची विचापूस केली असता कान्हेरी सरप येथे एका घरात त्यांना कोंडून ठेवल्याचे समोर आले. पोलीस मागावर असल्याचे लक्षात घेताच आरोपींनी अपहृत व्यावसायिकाला धमकी देऊन ऑटोद्वारे घरी परत पाठवले. त्या ऑटोचालकाला ताब्यात घेऊन पोलिसांनी विचारपूस केली. या प्रकरणात आठपैकी पहिल्या पाच आरोपींना पहाटे ५ वाजेपर्यंत वेगवेगळ्या ठिकाणावरून पोलिसांनी ताब्यात घेतले. पैशांची गरज असल्याने एक करोड रुपयांच्या खंडणीसाठी कट रचून अरुण वोरा यांचे अपहरण केल्याची कबुली आरोपींनी दिली. गुन्ह्यात वापरलेले वाहन, दोन देशी बनावटीच्या पिस्तुल, मोबाइल व इतर साहित्य असा एकूण तीन लाख ५० हजारांचा मुद्देमाल पोलिसांनी जप्त केला. सर्व आरोपी गुन्हेगारी पार्श्वभूमीचे असून त्यांचेवर कडक प्रतिबंधात्मक कारवाई करण्यात येत आहे. या प्रकरणात भा.दं.वि. कलम ३६४ (अ), तसेच आर्म ॲक्ट कलम ३, २५ प्रमाणे कलम वाढ करण्यात आल्याची माहिती पोलिसांनी दिली.

हेही वाचा >>>घाटकोपर दुर्घटनेनंतर जिल्हा प्रशासनाला जाग, शहरातील अनेक फलक काढले; यवतमाळात केवळ ४६ अधिकृत जाहिरात फलक

भ्रमणध्वनी पडला अन्…

एक कोटी रुपयांच्या खंडणीसाठी आरोपींनी व्यावसायिकाचे अपहरण केले खरे. मात्र, अपहरण करतांना अरुण वोरा यांचा भ्रमणध्वनी घटनास्थळावरच पडला. त्यामुळे आरोपींना व्यावसायिकाच्या कुटुंबाशी संपर्क साधला आला नाही. त्यातच पोलीस मागावर असल्याने अखेर अपहरणकर्त्यांनी व्यावसायिकाला परत पाठवून माघार घेतली.