After two years Navratri Festival begins in Nagpur city with enthusiasm garba dandiya festival | Loksatta

नागपूर शहरात दोन वर्षानंतर नवरात्रोत्सवाला उत्साहात प्रारंभ ; रंगणार गरबा दांडियाचा खेळ

देवीच्या नवरात्र उत्सवाला प्रारंभ होणार असल्यामुळे अनेक मंडळांनी सकाळपासून ढोलताशांच्या निनादात दुर्गामातेची मूर्ती नेण्यासाठी गर्दी केली होती.

नागपूर शहरात दोन वर्षानंतर नवरात्रोत्सवाला उत्साहात प्रारंभ ; रंगणार गरबा दांडियाचा खेळ
नागपूर शहरात दोन वर्षानंतर नवरात्रोत्सवाला उत्साहात प्रारंभ ; रंगणार गरबा दांडियाचा खेळ

शहरातील विविध भागात सार्वजनिक देवी उत्सव मंडळात सोमवारी दुर्गामातेच्या मूर्तीची प्रतिष्ठापना केली जाणार आहे. तर अनेक घरांमध्ये घट, कलश आणि छोट्या मूर्तीही विराजमान केल्या जाणार आहेत. गेल्या दोन वर्षात करोनामुळे गरबा-दांडिया महोत्सवावर निर्बंध होते. यावेळी मात्र शहरातील विविध भागात गरबा दांडिया महोत्सवाचे आयोजन करण्यात आले आहे. उद्यापासून घरोघरी व सार्वजनिक मंडळात देवीच्या नवरात्र उत्सवाला प्रारंभ होणार असल्यामुळे अनेक मंडळांनी सकाळपासून चितार ओळीतून ढोलताशांच्या निनादात दुर्गामातेची मूर्ती नेण्यासाठी गर्दी केली होती.

नवरात्र उत्सवात मोठ्या प्रमाणात भाविक दर्शनासाठी येत असल्यामुळे शहरातील कोराडीतील महालक्ष्मी मंदिरासह, आग्याराम देवी, पारडीतील भवानी देवी मंदिरात, अयाचित मंदिर यासह विविध भागातील देवी मंदिरात नवरात्र उत्सवाची तयारी करण्यात आली आहे. देवी मंदिरावर आकर्षक रोषणाई करण्यात आली असून नऊ दिवस अखंड दीप, दुर्गा सप्तशतीचे पाठ, नवचंडी, कुमारीपूजन, होमहवन, भजन कीर्तन आदी धार्मिक कार्यक्रम आयोजित करण्यात आले आहेत. प्रतापनगर येथील दुर्गा मंदिरात, अयाचित मंदिरजवळी नवचंदी देऊळ, नंदनवन भागातील आदिशक्ती देवीचे मंदिर, सेंट्रल अॅव्हेन्यू येथील रेणुका माता व बडकस चौकातील महालक्ष्मी मंदिरात नवरात्रोत्सव सुरू होणार आहे.

हेही वाचा : लहरी हवामानाचा फळांना फटका; द्राक्षांचे आगमन दोन महिन्यांनी लांबणीवर

शहरातील अतिशय प्राचीन असे अयाचित मंदिरातही नवरात्र उत्सवानिमित्त दहा दिवस धार्मिक कार्यक्रमांचे आयोजन करण्यात आले आहे. सकाळी विधिवत बालाजी आणि नवचंडिका देवीची पूजा केली जाणार आहे. नवरात्र उत्सवाच्या निमित्ताने बाजारपेठेत खरेदीसाठी नागरिकांची गर्दी झाली आहे. शहरातील विविध भागात विविध दुर्गादेवी उत्सव साजरा केला जात असून आकर्षक मंदिराच्या प्रतिकृती तयार करण्यात आल्या आहे. उद्या दुर्गादेवीची प्रतिष्ठापना करण्यात येणार आहे.

हेही वाचा : नोकराने महिलेस दिली अश्लील छायाचित्र समाजमाध्यमांवर प्रसारित करण्याची धमकी

यंदा कुठलेच निर्बंध नसल्यामुळे रायसोनी, संकल्प या संस्थेच्यावतीने गरबा दांडिया महोत्सव आयोजित करण्यात आला आहे. शिवाय वर्धमाननगर, क्वेटा कॉलनी, सदर, पाचपावली, पांडव कॉलेजसह शहरातील विविध भागात गरबा दांडिया महोेत्सव आयोजित करण्यात आला आहे. या गरबा दांडिया महोेत्सवाच्या निमित्ताने महिला व पुरुषांनी पारंपरिक पोशाख खरेदी केले आहे तर काही ठिकाणी ते भाड्याने दिले जात आहेत.

मराठीतील सर्व नागपूर / विदर्भ ( Nagpur ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
नोकराने महिलेस दिली अश्लील छायाचित्र समाजमाध्यमांवर प्रसारित करण्याची धमकी

संबंधित बातम्या

नागपूर: तुमच्याही संसारात सासू हस्तक्षेप करते का? मग, वाचाच…
नागपूर: शिव्या घातल्या, मारहाण केली, हे डॉक्टर आहेत की…?
विश्लेषण: राष्ट्रसंत तुकडोजी महाराज नागपूर विद्यापीठ चर्चेत का?
‘’एसटी’तील पैसेकांड, लालपरीचे ‘स्टेअरिंग’ अर्धशिक्षित चालकांच्या हाती!
नांदेड टू नागपूर: सनदी अधिकाऱ्यांच्या बदलीचे काय आहे कनेक्शन?

व्हिडिओ

ताज्या बातम्या
मुंबईः क्रिप्टो करन्सीमध्ये गुंतवणुकीचे आमिष दाखवून तरुणीची फसवणूक
“आमची बाजू संवैधानिक”, सीमा प्रश्नावरील सुनावणीवर बसवराज बोम्मईंची प्रतिक्रिया, म्हणाले, “महाराष्ट्राचा अर्ज…”
विश्लेषण: कोरे कागद घेऊन हजारो चिनी नागरिक रस्त्यावर का उतरत आहेत? A4 Revolution आंदोलनं कशामुळे सुरु झाली?
कार्तिक आर्यनच्या आधी वरुण धवनला झाली होती ‘हेरा फेरी ३’ची विचारणा, पण ‘या’ कारणामुळे अभिनेत्याने नाकारली ऑफर
पुणे: मनोरुग्णालयाच्या जागेवरील बेकायदा झोपड्या हटविण्याचे आदेश