काँग्रेसने या दिवंगत नेत्याच्या पुत्रास पक्षात दिली मोठी जबाबदारी

अजय हटेवार यांनी या नियुक्तीनंतर कृतज्ञता व्यक्त केली आहे. त्यांनी काँग्रेसचे राष्ट्रीय अध्यक्ष मल्लिकार्जुन खडगे, न्याय योद्धा राहुल गांधी, अ.भा.काॅंग्रेस महासचिव मुकुल वासनिक, संघटन प्रभारी गुरुप्रित सिंग सप्पल, काँग्रेस ओबीसी विभागाचे राष्ट्रीय चेअरमन अनिल जय हिंद, तसेच नागपूर शहर काँग्रेस कमिटीचे अध्यक्ष आणि आमदार विकास ठाकरे, अ.भा.काँग्रेस सचिव प्रफुल गुडधे, सहसचिव नितीन कुंभलकऱ आणि मार्गदर्शक दीपक काटोले यांचे आभार मानले आहेत. त्यांनी आपल्या क्षमतेवर दाखवलेल्या विश्वासाबद्दल सर्व वरिष्ठ नेत्यांचे आभार मानत पक्ष संघटन मजबूत करण्याचे आश्वासन दिले.

गेल्या काही वर्षांपासून अजय हटेवार नागपूर तसेच प्रदेशातील सामाजिक आणि राजकीय क्षेत्रात सक्रिय होते. विविध समाज घटकांत त्यांची पट‍वून देण्याची शैली, संघटनात्मक कौशल्य आणि युवकांमध्ये वाढती लोकप्रियता या गुणांच्या आधारे पक्षाने त्यांना राष्ट्रीय पातळीवर महत्त्वाची जबाबदारी दिली आहे. ओबीसी विभागात देश स्तरावर पक्ष मजबुतीसाठी रणनीती आखणे, विविध राज्यांतील संघटनांना समन्वय देणे आणि समाजातील प्रश्नांना राष्ट्रीय पातळीवर मांडणे अशी महत्त्वाची कामे या पदावरून त्यांना पार पाडावी लागणार आहेत.

अजय हटेवार यांची ही नियुक्ती नागपूर काँग्रेससाठी विशेष अभिमानाचा क्षण मानला जात आहे. ज्येष्ठ नेते स्व. गजराज हटेवार यांनी आयुष्यभर पक्षनिष्ठा आणि संघटन बळकटी करणासाठी कार्य केले. त्यांच्या निधनानंतर पक्षाने त्यांच्या कार्याचा सन्मान म्हणून त्यांच्या सुपुत्राला राष्ट्रीय स्तरावरील महत्त्वाची भूमिका दिल्याचे काँग्रेस कार्यकर्त्यांमध्ये समाधान व्यक्त केले जात आहे.

अजय हटेवार यांच्या पुढील कार्यकाळात ओबीसी समाजाच्या प्रश्नांना अधिक प्रभावी आवाज मिळेल, तसेच काँग्रेसच्या संघटनात्मक कामकाजाला नवी ऊर्जा प्राप्त होईल, अशी अपेक्षा व्यक्त केली जात आहे. त्यांच्या नियुक्तीमुळे नागपूर व विदर्भातील काँग्रेस कार्यकर्त्यांमध्ये उत्साहाचे वातावरण निर्माण झाले आहे.