नागपुरात राष्ट्रवादी काँग्रेसचं दोन दिवसीय चिंतन शिबिराचं आयोजन करण्यात आलं आहे. यानिमित्त विरोधी पक्षनेते अजित पवार नागपूर दौऱ्यावर आहेत. यावेळी अजित पवारांनी प्रसारमाध्यमांशी संवाद साधला. “तेव्हा विदर्भात आम्ही कमी पडलो, हे निविर्वाद सत्य आहे,” अशी खंत अजित पवारांनी व्यक्त केली आहे.

“पश्चिम महाराष्ट्र, कोकण, उत्तर महाराष्ट्र आणि मराठवाड्यात आमच्या जागा निवडून येतात. पण, तेवढा प्रतिसाद दुर्दैवाने विदर्भात मिळत नाही. स्थानिक स्वराज्य संस्थांच्या निवडणुकीत चांगलं यश मिळालं, तर विदर्भात जास्त जागा मागू शकतो. मात्र, विदर्भात आम्ही कमी पडलो हे निविर्वाद सत्य आहे,” असं अजित पवार म्हणाले.

Prakash Ambedkar
प्रकाश आंबेडकरांनी काढला नवा मुद्दा, म्हणाले, “आम्ही घराणेशाहीचा..”
MLA Abhimanyu Pawar request to Deputy Chief Minister Devendra Fadnavis regarding contract recruitment in MPSC Pune
एमपीएससीत कंत्राटी भरती नको…; भाजपच्या कोणत्या आमदाराने केली मागणी?
Sanjay Raut Manoj Jarange
महाविकास आघाडी मनोज जरांगेंना जालन्यातून लोकसभेच्या रिंगणात उतरवणार? वंचितच्या प्रस्तावावर संजय राऊत म्हणाले…
prakash ambedkar, manoj jarange patil, maratha reservation, vanchit bahujan aghadi, politics, maharashtra,
आरक्षणाच्या मागणीसाठी आता मराठा समाजाने निवडणुका लढवाव्या; प्रकाश आंबेडकर यांचा सल्ला

हेही वाचा : “वादळ येणार होतं, पण त्याची दिशा…”, एकनाथ खडसेंबरोबरच्या बैठकीनंतर पंकजा मुंडेंचं विधान

“आमच्यावर केसेस झाल्या, चौकशा लागल्या ही…”

“१९९९ साली राष्ट्रवादीची स्थापना झाल्यापासून पक्षाच्या नेत्यांकडून विदर्भावर अन्याय केला जातोय, अशा बातम्या पसरवण्याचा प्रयत्न झाला. पण, जयंत पाटील अर्थमंत्री आणि मी जलसंपदा मंत्री असताना विदर्भ आणि मराठवाड्यातील अनुशेष निघावा यासाठी काम केलं. यातून आमच्यावर आरोप झाले, बदनाम करण्याचा प्रयत्न झाला. आमच्यावर केसेस झाल्या, चौकशा लागल्या ही वस्तुस्थिती खरी आहे,” असेही अजित पवारांनी सांगितलं.

हेही वाचा : “महाविकास आघाडी सरकारच्‍या काळातील ३३ महिने…”, चंद्रकांत पाटील यांची टीका; म्हणाले…

“…तर जनता पाठिशी उभी राहू शकते”

“विदर्भात दोन दिवसांचं शिबीर घेतलं आहे. वेगवेगळ्या कार्यक्रमाच्या माध्यमातून या भागात दौरे वाढवले पाहिजेत. येथे निश्चितपणे प्रयत्न केला, तर जनता पाठिशी उभी राहू शकते,” असा विश्वास अजित पवारांनी व्यक्त केला आहे.