अकोला : शहरातील न्यू तापडिया नगरकडे जाणाऱ्या मार्गावरील फाटक रेल्वे मार्गाची देखभाल व दुरुस्ती करण्यासाठी आठ दिवस बंद ठेवण्यात आले. त्यामुळे हजारो नागरिकांना मनस्तापाचा सामना करावा लागत आहे. मोठा फेरा घेऊन नागरिकांना शहर गाठावे लागते. मध्य रेल्वेच्या आडमुठ्या धोरणामुळे नागरिकांना प्रचंड त्रास होत आहे.

मध्य रेल्वे मार्गावरील फाटक क्र. ३८ ए हे १ जानेवारीला सकाळी ६ वाजतापासून रेल्वे मार्गाच्या देखभाल व दुरुस्तीसाठी बंद केले. हे फाटक ८ जानेवारीला रात्री ८ वाजेपर्यंत वाहतुकीसाठी बंद राहील. मध्य रेल्वेने तब्बल आठ दिवस रेल्वे फाटक बंद ठेऊन परिसरातील नागरिकांना चांगलेच वेठीस धरले आहे. आतापर्यंत मध्य रेल्वेकडून मार्गाची देखभाल व दुरुस्तीचे कार्य रात्रीच्या सुमारास वाहतूक बंद ठेऊन केले जात होते. या वेळेस प्रथमच संपूर्ण आठ दिवस २४ तास वाहतूक बंद केली. याठिकाणी दिवसा रेल्वे मार्गाचे काम सुरू ठेऊन रात्री ते बंद ठेवण्यात येते. वास्तविक रात्री काम करून दिवसा फाटक वाहतुकीसाठी सुरू ठेवता आले असते. मात्र, मध्य रेल्वेने नागरिकांच्या गैरसोयीचा विचार न करता थेट आठ दिवसांसाठी रेल्वे फाटक बंद ठेवण्याचा मनमानी निर्णय घेतला.

Metro service for cricket fans in Nagpur till 11.30 pm on 6th february
नागपूरच्या क्रिकेट रसिकांसाठी मेट्रोची सेवा रात्री ११.३० पर्यंत
mh370 search operation malaysian airlines
Malasian Airlines: बेपत्ता MH370 चा शोध; पुण्यातील प्रल्हाद…
traffic jam three hours morning Mumbra bypass road Oil barrels bursted
शिळफाटा मार्गानंतर मुंब्रा बायपास ठरला नवी डोकेदुखी, तेलाचे बॅरेल फुटल्याने तीन तास झाली होती वाहतूक कोंडी
dilapidated railway bridge on Nagpur Chhindwara route will be opened
नागपूर – छिंदवाडा मार्गावरील खचलेला रेल्वे पुला सुरू होणार,मुहूर्त ठरला
central railway cancelled 400 local trains
मध्य रेल्वेचा बोजवारा, सहा दिवसांत ४०० लोकल रद्द; ६५० लोकल विलंबाने
traffic diversion Pune city Shri Ganesh Jayanti Chhatrapati Shivaji Road
पुणे : श्री गणेश जयंतीनिमित्त मध्यभागातील वाहतूकीत उद्या बदल, छत्रपती शिवाजी रस्ता वाहतुकीस बंद
daily passengers traffic jam Shilphata route five day road work
शिळफाटा मार्गावर कोंडित अडकायची आम्हाला सवय, आता तर पाच दिवस सुट्टी घेऊ… प्रवाशांच्या उद्विग्न प्रतिक्रिया
Mumbai tuesday 28th january central railway harbour railway Trains delayed
मुंबई : रेल्वेचे वेळापत्रक बिघडले, ८ मिनिटांच्या प्रवासासाठी दुप्पट वेळ, प्रवासात नियोजित वेळेपेक्षा २० ते ३० मिनिटांची भर

हेही वाचा – मराठी भाषा विभागातील अधिकाऱ्यांना मराठी येते काय? शासनाकडून उत्तर देण्यात टाळाटाळ

u

जठारपेठमधून न्यू तापडिया नगरकडे जाणारा हा अत्यंत वर्दळीचा रस्ता आहे. न्यू तापडिया नगर, पंचशील नगर, खरप बु. आदी परिसरासह विविध गावांना अकोला शहराशी जोडणारा हा मार्ग असून रेल्वे फाटक बंद असल्यामुळे या भागातील नागरिकांची अत्यंत अडचण होत आहे. देखभाल व दुरुस्तीसाठी फाटक बंद करण्यापूर्वी रेल्वेने वाहतुकीसाठी पर्यायी व्यवस्था केली नाही. त्यामुळे न्यू तापडिया नगर भागातील नागरिकांना पंचशील नगर, आपातापा मार्ग, अकोट फैल मार्गे शहर गाठावे लागते. हा खडतर मार्ग अनेक कि.मी. दुरवरून जात असल्याने नागरिकांना शारीरिक व मानसिक त्रासासह आर्थिक नुकसान देखील सहन करावे लागते. शाळकरी विद्यार्थ्यांना चांगलीच तारेवरची कसरत करावी लागत आहे. अत्यावश्यक वैद्यकीय उपचारासाठी रुग्णाची वाहतूक करण्याची वेळ आल्यास रेल्वे फाटक बंद राहण्याचा प्रकार जीवावर उठण्याची शक्यता देखील नाकारता येत नाही.

हेही वाचा – चंद्रपूर : अल्पवयीन मुलांच्या हाती दुचाकी दिल्यास पालकांनाच होणार दंड

रेल्वेकडून वेगवेगळे नियम?

दक्षिण मध्य रेल्वेच्या मार्गावरील फाटक क्र. ८७ जवळ रेल्वे मार्ग व रस्ता तयार करण्यासाठी अकोला ते मंगरूळपीर मार्गावरील वाहतूक ३ ते ५ जानेवारीदरम्यान रात्री १० ते सकाळी ५ वाजेपर्यंत बंद ठेवण्यात आली. मात्र, मध्य रेल्वेच्या फाटक क्र. ३८ एची वाहतूक आठ दिवस २४ तासांसाठी बंद केली. रेल्वेकडून दोन फाटकांमध्ये फरक करून काम करण्यासाठी वेगवेगळे नियम लावले जातात का? असा प्रश्न उपस्थित झाला आहे.

Story img Loader