अकोला : अकोला लोकसभा मतदारसंघात सलग पाचव्यांदा कमळ फुलले आहे. भाजप व काँग्रेसमध्ये झालेल्या अटीतटीच्या लढतीत अखेर भाजप उमेदवार अनुप धोत्रे यांनी बाजी मारली. त्यांनी काँग्रेसचे डॉ. अभय पाटील यांचा ४० हजार ६२६ मतांनी पराभव केला. वंचित आघाडीचे ॲड. प्रकाश आंबेडकर यांची तिसऱ्या स्थानावर घसरण झाली.

अकोला मतदारसंघात भाजपचे अनुप धोत्रे, काँग्रेसचे डॉ. अभय पाटील व वंचित आघाडीचे ॲड. प्रकाश आंबेडकर यांच्यात तिरंगी लढत झाली. गेल्या दोन दशकांपासून अकोला मतदारसंघावर भाजपचे वर्चस्व राखणारे संजय धोत्रे प्रकृती अस्वस्थामुळे सक्रिय राजकारणापासून दूर आहेत. त्यामुळे भाजपने त्यांचे पूत्र अनुप धोत्रे यांना उमेदवारी देऊन निवडणुकीच्या मैदानात उतरवले होते. काँग्रेसने नवा चेहरा म्हणून मराठा समाजाचे डाॅ. अभय पाटील यांना उमेदवारी दिली. ॲड. प्रकाश आंबेडकर अकराव्यांदा अकोल्यातून रिंगणात होते. या प्रमुख तीन उमेदवारांमध्ये तुल्यबळ लढत झाली.

uddhav thackeray
शिवसेना ठाकरे गटाचा तीन ऑगस्टला पुण्यात मेळावा; उद्धव ठाकरे यांची उपस्थिती
Amol Kirtikar challenge to Ravindra Waikar MP
वायकर यांच्या खासदारकीला अमोल कीर्तिकरांचे आव्हान
Narayan Rane, Vinayak Raut,
नारायण राणे यांच्या खासदारकीला विनायक राऊत यांचे आव्हान
Dr Madhav Kinhalkar, Dr Madhav Kinhalkar Resigns from BJP, Dr Madhav Kinhalkar next political decision, Bhokar Assembly constituency, nanded, sattakaran article, Maharashtra vidhan sabha election 2024,
सूर्यकांता पाटील यांच्यापाठोपाठ माधव किन्हाळकर यांचाही भाजपाला रामराम
Kalyan East Assembly Constituency BJP aspirant Narendra Pawar from Kalyan Paschim is likely to get candidature print politics news
कारण राजकारण: शिंदे गायकवाड बेबनावामुळे पवारांचे ‘कल्याण’?
Solapur Lok Sabha constituency, Sushilkumar Shinde, Sushilkumar Shinde Reveals BJP Leaders Supported Praniti Shinde, Praniti Shinde , congress, Solapur news, marathi news, latest news, loksatta news,
सोलापूर लोकसभा निवडणुकीत काँग्रेसच्या विजयासाठी भाजप नेत्यांनी लावला हातभार, सुशीलकुमार शिंदे यांचा गौप्यस्फोट
What Sanjay Raut Said About Ravindra Waikar?
“आता फक्त दाऊदला क्लीन चिट…”, रवींद्र वायकर भूखंड घोटाळा प्रकरणावरुन संजय राऊत यांचा टोला
leaders photo missing from rohit patil birthday hoarding
आमदारपुत्र रोहित पाटलांच्या वाढदिनी शुभेच्छा जाहिरात फलकावरुन वरिष्ठ नेत्यांची फोटो गायब

हेही वाचा… Maharashtra Lok Sabha Election Result 2024 : नितीन गडकरी यांनी नातवंडासह केला जल्लोष

२६ एप्रिलला मतदानाची प्रक्रिया पूर्ण झाल्यावर मंगळवारी सकाळी ८ वाजतापासून शिवणी येथील गोदामात मतमोजणीला सुरुवात झाली. मतमोजणीच्या पहिल्या फेरीपासून भाजपचे अनुप धोत्रे व काँग्रेसचे अभय पाटील यांच्यात सामना रंगला. पहिल्या फेरीपासून अभय पाटील यांनी घेतलेली आघाडी १४ व्या फेरीपर्यंत कायम होती. १४ व्या फेरीपर्यंत नऊ हजार ०७४ मतांनी डॉ. अभय पाटील आघाडीवर होते. १५ व्या फेरीत मात्र चित्र पालटले. या फेरीमध्ये अनुप धोत्रे यांनी प्रथमच एक हजार ९५४ मतांनी आघाडी घेतली. त्यानंतर प्रत्येक फेरीमध्ये अनुप धोत्रे यांचे मताधिक्य वाढतच गेले. मतदान यंत्रातील एकूण २८ फेऱ्यांच्या मतमोजणीमध्ये अनुप धोत्रे यांनी ४० हजार ०१२ मतांची निर्णायक आघाडी घेतली. टपाली मतपत्रिका मिळून अनुप धोत्रे यांना चार लाख ५७ हजार ०३० मते पडली, तर त्यांचे प्रतिस्पर्धी काँग्रेस उमेदवार डॉ. अभय पाटील यांना चार लाख १६ हजार ४०४ मते मिळाली. ४० हजार ६२६ मतांनी अनुप धोत्रे यांनी अभय पाटील यांचा पराभव केला. ॲड. प्रकाश आंबेडकर यांना दोन लाख ७६ हजार ७४७ मतांवर समाधान मानावे लागले. ते तिसऱ्या स्थानावर घसरले. पाच हजार ७८३ मतदारांनी नोटा पर्यायाचा वापर केला. निवडणूक निर्णय अधिकारी अजित कुंभार यांच्या मार्गदर्शनात मतमोजणी प्रक्रिया शांततेत पार पडली.

१५ व्या फेरीनंतर चित्र बदलले

मतमोजणीमध्ये एक ते १४ फेरीदरम्यान काँग्रेस व भाजपमध्ये तुल्यबळ लढत झाली. त्यात काँग्रेसने आघाडी घेतली होती. त्यामुळे काँग्रेसच्या पदाधिकारी व कार्यकर्त्यांचा आत्मविश्वास वाढला होता. मात्र, १५ व्या फेरीनंतर संपूर्ण चित्र बदलले. या फेरीमध्ये प्रथमच भाजपने आघाडी घेतली. त्यानंतर सर्वच फेऱ्यांमध्ये भाजप आघाडीवर राहिला. अखेर अनुप धोत्रे यांनी अभय पाटील यांना पराभूत केले. भाजप कार्यकर्त्यांनी विजयी जल्लोष केला.

हेही वाचा… Maharashtra Lok Sabha Election Result 2024 : नितीन गडकरींना पंतप्रधान करा, निवासस्थानापुढे कार्यकर्त्यांच्या घोषणा

२०१९ च्या तुलनेत भाजपचे मताधिक्य घटले

अकोला मतदारसंघातील वर्चस्व भाजपने कायम राखले असले तरी मताधिक्यात मोठी घसरण झाली आहे. २०१९ च्या लोकसभा निवडणुकीत संजय धोत्रे यांनी दोन लाख ७५ हजार ५९६ विक्रमी मतांनी ॲड. प्रकाश आंबेडकर यांचा पराभव केला होता. या निवडणुकीत भाजप व काँग्रेसमध्ये अटीतटीची लढत झाली. त्यामध्ये अनुप धोत्रे यांनी ४० हजार ६२६ मतांनी विजय मिळवला.