army officer posted at india china border died of cardiac arrest zws 70 | Loksatta

भारत-चीन सीमेवर तैनात वणीतील लष्करी अधिकाऱ्याचा हृदयविकाराने मृत्यू

ले. कर्नल वासुदेव दामोदर आवारी हे १७० फिल्ड रेजिमेंट वीर राजपूरमध्ये कर्तव्यावर होते

भारत-चीन सीमेवर तैनात वणीतील लष्करी अधिकाऱ्याचा हृदयविकाराने मृत्यू
लेफ्टनंट कर्नल वासुदेव दामोदर आवारी

यवतमाळ : वणी तालुक्यातील मुर्धोनी येथील मूळ निवासी लेफ्टनंट कर्नल वासुदेव दामोदर आवारी (३५) यांचा भारत-चीन सीमेवर अरुणाचल प्रदेशात कर्तव्य बजावत असताना हृदयविकाराच्या धक्क्याने मृत्यू झाला.

ले. कर्नल वासुदेव आवारी यांचे पार्थिव आज गुरुवारी लष्कराच्या विशेष विमानाने नागपूर येथे आणण्यात आले. विमानतळावरच कामठी मिलिट्री बेसतर्फे त्यांना मानवंदना दिली गेली. त्यानंतर लष्करी वाहनाने त्यांचे पार्थिव रात्री वणी येथे आणण्यात आले. उद्या, शुक्रवारी ७ ऑक्टोबर रोजी सकाळी १०.३० वाजता त्यांचे मूळ गाव मुर्धोनी येथील सामुदायिक प्रांगणात त्यांच्यावर अंत्यसंस्कार केले जाणार आहेत.

ले. कर्नल वासुदेव दामोदर आवारी हे १७० फिल्ड रेजिमेंट वीर राजपूरमध्ये कर्तव्यावर होते. नुकतीच त्यांना मेजर पदावरून लेफ्टनंट कर्नलपदी पदोन्नती मिळाली होती. अरुणाचल प्रदेशातील भारत-चीन सीमेवर समुद्रसपाटीपासून १६ हजार फूट उंचीवर कर्तव्य बजावत असताना मंगळवारी ४ ऑक्टोबरला त्यांना श्वास घ्यायला त्रास होऊ लागला. सहकाऱ्यांनी त्यांना तत्काळ गुवाहाटीतील मिल्ट्री रुग्णालयात दाखल केले. मात्र उपचारादरम्यान त्यांचा मृत्यू झाला.

वणीतील सुप्रसिद्ध कीर्तनकार डॉ. दामोदर आवारी यांचे वासुदेव हे धाकटे पुत्र होते. त्यांचे शालेय शिक्षण वणी येथील विवेकानंद विद्यालयात झाले. त्यांनी एनडीएमध्ये प्रवेश घेतला. त्यानंतर ते भारतीय सेनेत मेजर या पदावर रूजू झाले होते. सैन्यदलात अधिकारी असले तरी वणी तालुक्याशी त्यांची नाळ जुळली होती. परिसरातील तरुणांना ते कायम एनडीए, सैन्य भरती, पोलीस भरतीसंदर्भात मार्गदर्शन करायचे. येत्या दिवाळीत ते वणी व मुर्धोनीत येणार होते. मात्र, त्यापूर्वीच देशसेवा करत असलेल्या या सुपुत्राच्या अनपेक्षितपणे झालेल्या निधनाने मुर्धोनीसह वणी शहरात शोक व्यक्त होत आहे.

मराठीतील सर्व नागपूर / विदर्भ ( Nagpur ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
RSS च्या मुख्यालयावर मोर्चा काढण्यावरून देवेंद्र फडणवीसांची प्रतिक्रिया, म्हणाले, “एवढ्या मोठ्या संख्येने…”

संबंधित बातम्या

मुलीचा शिक्षणखर्च परवडेना, तिने दुसऱ्याच्या मुलीचा देह….; नवव्या वर्गातील मुलीच्या विवशतेचा गैरफायदा
नागपूर: डॉक्टरांसाठी आनंदाची बातमी, आता खुद्द उपमुख्यमंत्र्यांनीच….
उपमुख्यमंत्र्यांनी सारथ्य केलेल्या गाडीचा मालक विक्की कुकरेजा कोण आहे?
“शिवरायांचा जन्म कोकणात’ प्रसाद लाड यांच्या वक्तव्यानंतर मुख्यमंत्री शिंदेंची प्रतिक्रिया; म्हणाले…
नागपूर ते शिर्डी समृद्धी महामार्गाचे काम बाकी, तरी उदघाटनाचा घाट; मात्र तरीही समृद्धीवरून थेट प्रवास

व्हिडिओ

ताज्या बातम्या
अर्जुन कपूरशी लग्न आणि आई होण्याबाबत मलायकाने सोडलं मौन; म्हणाली, “या काल्पनिक गोष्टी…”
Morbi bridge Collapse: TMC चे प्रवक्ते साकेत गोखले यांना गुजरात पोलिसांकडून अटक, पक्षाच्या खासदाराचं ट्वीट
राणादा-पाठकबाईंच्या रिसेप्शन सोहळ्यात मुख्यमंत्री एकनाथ शिंदेंचा फोन आला अन्…; हार्दिक-अक्षयाच्या लग्नातील व्हिडीओ व्हायरल
प्रो कब्बडी लीग २०२२: माजी चॅम्पियन पटना पायरेट्सचा धुव्वा उडवत पुणेरी पलटण उपांत्य फेरीत
मुंबईः केवळ ११०० रुपयांमध्ये मिळत होते आधारकार्ड, पॅनकार्ड ; वाचा नक्की काय प्रकरण आहे ते…