अमरावती : भरधाव ट्रकने दुचाकीला धडक दिल्‍याने झालेल्‍या अपघातात दुचाकीवरील सैनिकाचा जागीच मृत्यू झाला. एक जखमी झाला. हा अपघात बुधवारी २८ फेब्रुवारी रोजी दुपारी गाडगेनगर ठाण्याच्या हद्दीतील रहाटगाव चौक परिसरात घडला. जखमीवर जिल्हा सामान्य रुग्णालयात उपचार सुरू आहेत.

अविनाश अंबादास उईके (२४) रा. गणेशपूर, मोर्शी असे मृत सैनिकाचे तर विशाल सुखीराम तुमडाम (१९) रा. टेंबुरखेडा, वरूड असे जखमीचे नाव आहे. अविनाश हा भारतीय सैन्य दलात कार्यरत होता. नुकताच तो सुटीवर घरी आला होता. बुधवारी सकाळी अविनाश हा मित्र विशाल याच्यासह दुचाकी क्रमांक एमएच २७ डीजी ३९४४ ने कामानिमित्त अमरावतीला जात होता. मार्गात रहाटगाव चौक परिसरातील एका हॉटेलजवळ त्याच्या दुचाकीला एका भरधाव ट्रकने धडक दिली. या अपघातात अविनाशचा जागीच मृत्यू झाला. तर विशाल हा जखमी झाला.

Mumbai, One person beaten,
मुंबई : दुचाकी चोरत असल्याच्या संशयावरून मारहाणीत एकाचा मृत्यू, मालवणी पोलीस ठाण्यात हत्येचा गुन्हा दाखल
vasai worker death, vasai labor death marathi news
वसई: बांधकामाची भिंत कोसळून एकाचा मृत्यू, एक जण जखमी
Mobile theft in Local train
प्रवाशाच्या व्हिडिओमुळं मुंबई ट्रेनमधील मोबाइल चोर पकडला आणि एका मृत्यूचंही गूढ उकललं
car accident due to tire burst Three dead and five injured
अमरावती : कारचा टायर फुटून भीषण अपघात; तीन ठार, पाच जण जखमी

हेही वाचा – कंत्राटी कर्मचारी संपावर गेल्याने राज्यातील वीज यंत्रणा सलाईनवर.. ‘या’ आहेत मागण्या…

हेही वाचा – सावधान! येत्या ४८ तासांत ढगांच्या गडगडाटासह पावसाची शक्यता

अपघाताबाबत माहिती मिळताच गाडगेनगर पोलिसांनी घटनास्थळ गाठून पंचनामा केला व जखमी विशालला तातडीने जिल्हा सामान्य रुग्णालयात दाखल करण्यात आले. त्यानंतर मृतदेह शवविच्छेदनासाठी रुग्णालयात नेण्यात आला. या प्रकरणी पोलिसांनी अज्ञात ट्रकचालकाविरुद्ध गुन्हा दाखल केला असून त्याचा शोध सुरू आहे.