यवतमाळ : महसूल विभागातील अधिकारी, कर्मचारी कारवाईत दुजाभाव करत असल्याचा राग मनात धरून वाळू तस्कारांनी तलाठ्यासह कोतवालावर हल्ला चढवला ही घटना दिग्रस तालुक्यातील गांधीनगर येथे घडली. या घटनेची चित्रफीत समाजमाध्यमांत प्रसारित झाली असून, महसूल विभागात या घटनेने खळबळ उडाली आहे.

महसूलच्या कर्मचाऱ्यांकडून काही रेती तस्करांना खुली सुट तर काही रेती तस्करांवर कठोर कारवाईच्या झाल्याने दिग्रस रोडवरील गांधीनगर येथे तलाठी व रेती तस्करात चांगलाच राडा झाला. दिग्रस-दारव्हा मार्गावरील गांधीनगरजवळ अरुणावती नदी आहे. या नदीपात्रातून मोठ्या प्रमाणात अवैध रेती उपसा सुरू असून ट्रॅक्टर तसेच छोट्या वाहनांमधून राजरोसपणे  रेती चोरी सुरू आहे. या साज्यातील तलाठी व कोतवाल गस्तीवर असताना रेती चोरट्यांत व त्यांच्यात  वादावादी झाली. रेतीने भरलेले दुसरे ट्रॅक्टर का सोडले आणि माझीच गाडी का पकडली? सर्वांना समान न्याय देऊन गाडी सोडा. एकाची  गाडी पकडायची, दंड करायचा आणि दुसऱ्याला मात्र सूट द्यायची हा कुठला न्याय? असे म्हणत हा वाद  रंगला. वादाचे रूपांतर मारहाणीत होऊन महसूल कर्मचाऱ्यांना रेती तस्करांनी जबर मारहाण केली. ही चित्रफीत आता समाज माध्यमांत प्रसारित झाली आहे.

 A gang of six attacked one with a knife over an old dispute in Chembur Mumbai
चेंबूरमध्ये वादातून दोघांवर हल्ला, एकाचा मृत्यू ;  सहा जणांना अटक                                                       
Man Sexually Assault Dogs
रस्त्यात श्वानांच्या प्रायव्हेट पार्ट्सला हात लावणाऱ्या विकृताचा Video व्हायरल; लहान मुलगी अत्याचार पाहून थांबवायला गेली पण..
Ambani wedding, ambani son wedding,
अंबानींच्या लग्नात बॉम्ब ठेवल्याच्या सोशल मीडियावरील पोस्टने यंत्रणा सतर्क
loksatta analysis reason behind cbi raid on neeri 4 state including in nagpur
विश्लेषण : नीरी’ संस्थेवरील सीबीआय छाप्यांमुळे खळबळ का उडाली? संचालकानेच संस्थेचे मातेरे कसे केले?
Ranthambore national park marathi news
रणथंबोरच्या “रिद्धी” वाघीण आणि बछड्यांची कमाल पहिलीत का !
Investigation closed by ED too Failure to trace the source of income in the offenses against the vicar
‘ईडी’कडूनही तपास बंद? वायकर यांच्या विरोधातील गुन्ह्यांत उत्पन्नाचा स्राोत शोधण्यात अपयश
Thane, Police Officer Suspended for Issuing Fake Filming Permits, Issuing Fake Filming Permits in thane, thane news,
ठाण्यात मालिकांच्या चित्रीकरण बनावट परवानगीचे पत्र, पत्रावर पोलीस उपायुक्ताची बनावट स्वाक्षरी
west bengol
पश्चिम बंगालमध्ये विवाहबाह्य संबंधाच्या संशयावरून जोडप्याला बेदम मारहाण, रस्त्यावरील ‘त्या’ कृत्यामुळे विरोधकांसह सत्ताधाऱ्यांचाही संताप!
मस्तवाल वाळू तस्करांचा तलाठी, कोतवालावर हल्ला….चित्रफितीत जे दिसतेय….

हेही वाचा >>>‘‘महायुती सरकारला महाराष्ट्रातून हाकलून लावणे हेच आमचे ध्येय,” नाना पटोले यांचे मत; म्हणाले…

ठार मारण्याची धमकी दिल्यामुळे तसेच शासकीय कामात अडथळा निर्माण केल्यामुळे साज्यातील तलाठी जयंत प्रकाश व्यवहारे यांनी दिग्रस पोलिसांत संबंधित घटनेची लेखी तक्रार दिली. त्यावरून दिग्रस पोलिसांनी आरोपी शेख मतील शेख मोबीन (५०), लकी मतीन शेख (३०), गोलू मतीन शेख (२३) रा. आंबेडकर नगर यांच्याविरुद्ध विविध कलमान्वये गुन्हे दाखल केले असून पुढील तपास ठाणेदार सेवानंद वानखडे यांच्या मार्गदर्शनात सहाय्यक पोलीस निरीक्षक वाघ करीत आहेत.

हेही वाचा >>>…तर चामुंडी कंपनीत स्फोट झालाच नसता, व्यवस्थापनाचे कुठे चुकले? वाचा…

या घटनेने गेल्यावर्षी उमरखेड तालुक्यातील हल्ल्याच्या आठवणी ताज्या झाल्या. उमरखेड येथे वाळू तस्कारांनी गस्तीवर असलेल्या महसूल अधिकाऱ्यावर चाकू हल्ला करून गंभीर जखमी केले होते.   घाटंजी येथे एका महसूल अधिकाऱ्याचे वाहन जाळण्याचा प्रयत्न करण्यात आला होता. वाळू तस्कर आणि महसूल अधिकाऱ्यांत सातत्याने वादाच्या घटना घडत असून, महसूल अधिकारी, कर्मचाऱ्यांवर हल्ले होण्याचे प्रमाण वाढल्याने वाळू तस्करांवर प्रशासनाने कठोर कारवाई करावी, अशी मागणी महसूल कर्मचाऱ्यांनी केली आहे. स्थानिक राजकीय नेत्यांच्या आशीर्वादाने वाळू तस्कर मुजोर झाल्याने प्रशासन हतबल झाल्याचे चित्र आहे.