गोंदिया : दुकानातून घरी जात असलेल्या ९ वर्षीय मुलाला विरुद्ध दिशेने येणाऱ्या ट्रकने चिरडले. यात मुलाचा घटनास्थळीच मृत्यू झाला. ही दुर्घटना गुरुवारी सायंकाळी ६.३० वा.च्या सुमारास शहरातील बा चौकात घडली. घटनेनंतर संतप्त तमावाने ट्रक पेटवून दिला. परिसरात काही काळ तणावाचे वातावरण होते.
राफन अफरोज शेख (९, रा. बाजपाई चौक, गोंदिया) असे मृत मुलाचे नाव आहे. मुलाच्या मृत्यूनंतर परिसरातील जमाव संतप्त झाला. जमावाने ट्रक जाळला. यामुळे परिसरात तणावाचे वातावरण होते. रामनवमीचा उत्सव तसेच रमजान महिना सुरू असल्यामुळे परिस्थिती चिघळू नये म्हणून घटनास्थळी मोठ्या प्रमाणात पोलीस बंदोबस्त तैनात करण्यात आला आहे.
