बुलढाणा : विविध विभागांसह सीसीटीव्हीची करडी नजर, उमेदवारांची बायोमेट्रिक पद्धतीने ओळख आणि भरती स्थळाला असलेला पोलिसांचा गराडा, अशा कडक बंदोबस्तात आणि काटेकोर दक्षतेत येथे एकूण १३३ रिक्त पदांसाठीच्या पोलीस भरती प्रक्रियेला आजपासून पूर्वनियोजित वेळेवर प्रारंभ झाला. पोलीस अधीक्षक सुनील कडासने हे स्वतः पोलीस कवायत मैदानावरील भरती प्रक्रियेत सहभागी झाले.

पोलीस जमादारची १२५ पदे (३८ महिला) आणि पोलीस बँड पथकाची ८ पदे मिळून एकूण १३३ रिक्त पदांकरिता ही भरती घेण्यात येत आहे. यासाठी तब्बल १० हजार २४६ अर्ज प्राप्त झाले आहेत. एका पदाकरिता ७७ उमेदवार (अर्ज) अशी सरासरी असल्याने बेरोजगारीची समस्या किती गंभीर आहे, या निमित्ताने दिसून आले. मोठ्या संख्येतील पदवीधर व उच्च शिक्षित उमेदवार लक्षात घेता रोजगारासाठीची तीव्रता आणि स्पर्धाही दिसून आली.

Shivajinagar, teacher, Umarkhed taluka,
यवतमाळ : नोकरीचा तिसराच दिवस अन काळाने साधला डाव…
IT engineer, Khamgaon, cheated,
बुलढाणा : खामगावच्या ‘आयटी’ अभियंत्याला २८ लाखांनी गंडविले
Buldhana, Collapse, rain, car,
बुलढाणा : जिल्ह्यात कोसळधार! १६ मंडळात अतिवृष्टी; पुरात कार वाहून गेली…
Rohit Sharma Reaction Before Suryakumar Yadav Catch
मिलरचा शॉट अन् आशा सोडलेला रोहित… सूर्यकुमार यादवने तो कॅच घेण्याआधी रोहितच्या मैदानावरील प्रतिक्रियेचा VIDEO व्हायरल
Rohit Sharma Statement on India Win
IND vs ENG: टीम इंडियाच्या फायनल प्रवेशासह रोहित शर्माचे विराट कोहलीवर मोठे वक्तव्य; म्हणाला, “१५ वर्ष खेळलेल्या…”
Young girl photoshoot on dam and she fell in dam water shocking video
VIDEO: जीव एवढा स्वस्त असतो का? रीलच्या नादात होत्याचं नव्हतं झालं; पाण्याच्या प्रवाहात तरुणी क्षणात दिसेनाशी झाली
national highway 161
सावधान ! हिंगोलीहून वाशीमकडे जाताना ‘ही’ पाटी वाचा अन्यथा…
Who is Anjali Birla
IAS अंजली बिर्ला! लोकसभा अध्यक्षांच्या लेकीचं पहिल्याच टप्प्यातील यश का ठरतंय वादग्रस्त? चर्चेमागील सत्य जाणून घ्या!

हेही वाचा – “काँग्रेसने पुन्हा एकदा इंग्रजांचा काळ आणला,” चंद्रशेखर बावनकुळे यांची टीका; म्हणाले, “नाना पटोलेंनी…”

असे आहे नियोजन

आज सकाळी भरतीला प्रारंभ झाला. पोलीस मुख्यालयातील कवायत मैदान येथे प्रमाणपत्र तपासणी, छाती उंचीचे मोजमाप आणि शंभर मीटर धाव शर्यत घेण्यात येत आहे. बुलढाणा ते अजिंठा राज्य मार्गावर उमेदवारांची दमछाक करणारी १६०० आणि ८०० मीटर धाव शर्यत घेण्यात येत आहे. बायोमेट्रिक पद्धतीने ओळख पटल्यावर प्रवेशद्वारमधून कवायत मैदानात प्रवेश, प्रमाणपत्र तपासणी, छाती-उंचीचे मोजमाप करण्यात येत आहे. आज बुधवारी आणि उध्या गुरुवारी प्रत्येकी पाचशे तर नंतर दररोज ८०० उमेदवार पाचारण करण्यात आले आहे. ४ जुलैपर्यंत ही भरती चालणार आहे.

दक्षता आणि यंत्रणांची नजर

भरती प्रक्रिया पारदर्शक व्हावी आणि गैरप्रकार घडू नये यासाठी काटेकोर दक्षता घेण्यात येत आहे. पोलीस अधीक्षक सुनील कडासने यांनी भरती स्थळी, मोजक्या प्रसिद्धी माध्यमाशी बोलताना ही माहिती दिली. भरतीवर लाच लुचपत प्रतिबंधक विभाग ,पोलीस गुप्तचर विभाग यासह सीसीटीव्ही, व्हिडीओ कॅमेरे यांची करडी नजर राहणार आहे . ठिकठिकाणी कॅमेरे लावण्यात आले आहे. परीक्षेत डमी उमेदवार बसविणे आणि अन्य गैरप्रकार टाळण्यासाठी उमेदवारांची बायोमेट्रिक पद्धतीने ओळख पटवून घेण्यात येत असल्याचे पोलीस अधीक्षकांनी स्पष्ट केले. अर्जात चुकीची माहिती दिल्यास उमेदवाराला बाद करून त्याच्या विरुद्ध कडक कार्यवाही करण्यात येईल. उमेदवारांस त्यांच्या उंची छातीचे मोजमापाबाबत तक्रार वा आक्षेप असल्यास त्याचाही विचार करण्यात आला आहे. भरती सक्षम प्राधिकारी आणि अपीलीय अधिकारी यांच्याकडून वेळीच तक्रार व आक्षेपाचे निरसन करण्यात येईल. तसेच दैनिक मैदानी चाचणीचे निकालपत्र दररोज मुख्यालयाच्या सूचना फलकावर व जिल्हा पोलीस दलाच्या संकेतस्थळावर प्रसिद्ध करण्यात येईल.

हेही वाचा – एक काय, दहावेळा पाय धुणार! विजय गुरव यांची सडेतोड भूमिका, म्हणाले, “पटोले माझे दैवत, विरोधकांनी राजकारण…”

तृतीयपंथी देखील मैदानात

यंदाच्या या भरतीत तृतीयपंथी देखील पोलीस होण्यासाठी इतरांशी मुकाबला करणार आहे. हे या भरतीचे एक आगळे वैशिष्ट्य ठरले आहे. पोलीस जमादार होण्यासाठी एका तर बँड पथकात समाविष्ट होण्यासाठी दोघा तृतीयपंथीयांनी अर्ज दाखल केला आहे.