नागपूर : जीममध्ये कसरतीसाठी आलेल्या तरुणीला जीम ट्रेनर युवकाने अविवाहित असल्याचे सांगून प्रेमाच्या जाळ्यात ओढले. तिच्याशी प्रेमविवाह केला. महिन्याभरातच घरी त्याची पत्नी आणि मुलगा आल्याने युवकाचे बिंग फुटले. फसवणूक झाल्याचे लक्षात येताच तरुणीने जाब विचारताच युवकाने तिच्याशी शारीरिक संबंधाचे मोबाईलने काढलेले फोटो आणि व्हिडिओ प्रसार माध्यमांवर प्रसारित करण्याची धमकी दिली.

हुडकेश्वरमध्ये राहणारी २८ वर्षीय तरुणी जीममध्ये जात होती. तेथे जिम ट्रेनर रविकांत अशोक धार्मिक (३४, नंदनवन) याच्याशी तिची ओळख झाली. त्याने तिला प्रेमाच्या जाळ्यात ओढले. २ नोव्हेंबरला त्याने तिला मागणी घातली. नोव्हेंबर २०२२ मध्ये दोघांनी एका मंदिरात हार घालून प्रेमविवाह केला. दोघांचाही संसार सुरू झाला.

nashik bjp marathi news, pravin darekar marathi news
“मोदी द्वेष हेच महाविकास आघाडीचे सूत्र”, प्रवीण दरेकर यांची टीका
arguments with the team
ताणाची उलगड : वादाला महत्त्व किती?
nagpur university vc subhash chaudhari suspends by governor
लोकजागर : ‘चौधरी’ असण्याचा गुन्हा!
shubhangi galande bold decision of pregnancy happy single mother
मला आई व्हायचंय… म्हणणाऱ्या शुभांगी गलांडेच्या ‘या’ धाडसी निर्णयाचे सोशल मीडियावर कौतुक; पाहा…

हेही वाचा – गोंडवाना विद्यापीठाच्या पहिल्याच अधिसभेत ‘संघा’चे प्रयोग!

हेही वाचा – नागपूर : स्मशानभूमीत ‘ग्रीन जिम’, येथे मृतात्म्यांनाही लागतो… 

तीसुद्धा जीममध्ये जाऊन सहायक प्रशिक्षक म्हणून काम करीत रविकांतची मदत करीत होती. रविकांत नेहमी मोबाईलने तिचे अश्लील फोटो आणि व्हिडिओ काढून ठेवत होता. लग्नाच्या महिनाभरानंतर एक महिला आणि ५ वर्षांचा मुलगा थेट घरी आला. रविकांतने विवाहित असल्याचे लपवून लग्न केल्याचे स्पष्ट झाले. फसवणूक झाल्याचे लक्षात येताच तरुणीने रविकांतला जाब विचारला. त्याने थेट अश्लील फोटो सोशल मीडियावर व्हायरल करण्याची धमकी दिली. त्यामुळे, तिने लगेच हुडकेश्वर पोलीस ठाण्यात तक्रार दिली. या प्रकरणी पोलिसांनी तक्रारीवरून बलात्काराचा गुन्हा दाखल केला.