नागपूर : सह्याद्रीच्या पश्चिम घाटातील पर्यावरणीयदृष्टय़ा संवेदनशील क्षेत्राला लागून असलेले कोल्हापूर जिल्ह्यातील ६० हेक्टर वनक्षेत्र बॉक्साईट खाणीसाठी वापरण्यास केंद्रीय वन्यजीव मंडळाने तत्त्वत: मंजुरी दिली आहे. आणखी पाच खाणी या परिसरात प्रस्तावित आहेत. वाघांसह इतरही वन्यप्राण्यांचा हा भ्रमणमार्ग असल्याने खाणीमुळे त्याचे विखंडन होईल, अशी भीती वन्यजीव अभ्यासकांनी व्यक्त केली आहे.

या बातमीसह सर्व प्रीमियम कंटेंट वाचण्यासाठी साइन-इन करा

शाहूवाडी तालुक्यातील पठार (सडा) पट्टय़ातील या राखीव वनक्षेत्राचे खाणकामासाठी रूपांतर करण्यास मंडळाने हिरवा कंदील दिला आहे. खाण क्षेत्र पश्चिम घाट (सह्याद्री) पर्यावरणीय क्षेत्र आणि व्याघ्र प्रकल्पाच्या बाजूने स्थित आहे. ‘विशाळगड आणि पन्हाळगड संवर्धन राखीव’ पासून काही किलोमीटर अंतरावर आहे. पश्चिम महाराष्ट्रातील सह्याद्री व्याघ्र प्रकल्प राधानगरी वन्यजीव अभयारण्याशी राखीव वनांनी आणि नव्याने घोषित केलेल्या संवर्धन राखीव जागांद्वारे जोडलेले आहे. या व्याघ्रप्रकल्पात वाघ निवासी नाही, पण या भ्रमणमार्गाचा वापर करून वाघ सातत्याने येत असतात. मात्र, याच कॉरिडॉरमध्ये बॉक्साईट खाणीच्या प्रस्तावांना तत्त्वत: मंजुरी देण्यात आली आहे.

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Central wildlife board forest area in kolhapur bauxite mines in kolhapur district zws
First published on: 04-10-2022 at 03:48 IST