चंद्रपूर : पडद्यामागे राहून भाजपच्या अनेक नेत्यांनी व पदाधिकाऱ्यांनी लोकसभा निवडणुकीत माझ्यासाठी काम केले, असे वक्तव्य काँग्रेसच्या नवनिर्वाचित खासदार प्रतिभा धानोरकर यांनी केल्याने भाजपत अस्वस्थता पसरली आहे. कुणबी समाजाचे अनेक जण भाजपत महत्वाच्या पदावर आहेत. माजी आमदार, माजी जिल्हा परिषद अध्यक्षांपासून माजी नगरसेवक व जिल्हा परिषद सदस्य आहेत. धानोरकरांच्या या वक्तव्याने कुणबी समाजातून येणाऱ्या या सर्वांकडे संशयाच्या नजरेतून बघितले जात आहे.

काँग्रेसच्या नवनिर्वाचित खासदार प्रतिभा धानोरकर यांचे सध्या सत्कार सोहळे सुरू आहेत. वणी येथे झालेल्या रॅली व सत्कार कार्यक्रमातील भाषणात खासदार धानोरकर म्हणाल्या, केंद्र सरकारच्या कामावर भाजपचे अनेक निष्ठावंत पदाधिकारी व कार्यकर्ते नाराज होते. त्यांनाही मोदी सरकार पडावे असे वाटत होते. त्यामुळेच भाजपतील अनेक नेत्यांनी व पदाधिकाऱ्यांनी पडद्यामागे राहून निवडणुकीत मला मदत केली. धानोरकर यांच्या या वक्तव्याने काँग्रेसला मदत करणारे भाजपतील नेते, पदाधिकारी कोण असा प्रश्न भाजपच्या स्थानिक नेत्यांना पडला आहे. चंद्रपूर, राजुरा, वणी व वरोरा या चार विधानसभा मतदार संघात कुणबी समाजाची मते अधिक आहेत. स्थानिक स्वराज्य संस्थेअंतर्गत येणाऱ्या महापालिका, जिल्हा परिषद, नगर पंचायत, ग्राम पंचायतमध्ये पदाधिकारी असलेल्या कुणबी समाजाच्या अनेक युवकांना भाजपने मोठे केले. भाजपने अनेकांना आमदार केले. परंतु, याच समाजाच्या भाजपतील काहींनी दगा केला. काम केले नाही अशीही चर्चा धानोरकर यांच्या वक्तव्यानंतर सुरू झाली आहे.

navneet rana uddhav thackeray
“मी पराभूत झालेय, उद्धव ठाकरेंनी आता तरी…”, नवनीत राणांचं वक्तव्य चर्चेत
Sharad Pawar and Ajit Pawar
अजित पवारांसाठी परतीचे दार बंद झाले का? शरद पवारांचं चार शब्दांत उत्तर; म्हणाले, “सवाल…”
maharashtra mlc election final result list (1)
Maharashtra MLC Election Result: विधानपरिषद निवडणुकीत जयंत पाटील पराभूत; नेमकी कुणाची मतं कुणाकडे गेली?
dhananjay munde pankaja munde beed news
बहिणीच्या पराभवावर धनंजय मुंडेंची प्रतिक्रिया; म्हणाले, “या सगळ्या पराभवाची जबाबदारी…”
What happens to your body when you have sex every day
रोज सेक्स केल्याने शरीर, मन व नात्यात काय बदल होतात? थट्टा, मस्करी न करता डॉक्टरांनी दिलेली ही माहिती वाचा
pankaja munde manoj jarange
पंकजा मुंडेंच्या विधान परिषदेच्या उमेदवारीला मनोज जरांगेंचा विरोध? सूचक वक्तव्य करत म्हणाले…
Devendra Fadnavis On Uddhav Thackeray Anil Parab
“उद्धव ठाकरेंच्या शिवसेनेचे सेनापती…”, फडणवीसांकडून ठाकरे गटाच्या आमदाराचं तोंडभरुन कौतुक
Milind Narvekar, Legislative Council,
मिलिंद नार्वेकर ‘खेळ’ करणार ?

हेही वाचा…Monsoon Update : राज्यात वादळीवाऱ्यासह मुसळधार पावसाचा इशारा, ‘या’ भागात ‘येलो अलर्ट’…

केवळ कुणबी समाजाचेच नाही तर तेली, बौध्द व मुस्लीम समाजाच्या पदाधिकाऱ्यांनीही कामे केली नाहीत, अशीही चर्चा रंगली आहे. राष्ट्रीय मागासवर्गीय आयोगाचे अध्यक्ष हंसराज अहीर व पालकमंत्री सुधीर मुनगंटीवार यांच्यात राजकीय मतभेद आहेत. अहीर हे देखील मुनगंटीवार यांच्या प्रचारात सक्रिय नव्हते. त्यामुळे धानोरकर यांच्या या वक्त्व्याने अहीर यांच्याकडेही अनेक जण संशयाच्या नजरेने बघत आहेत. विशेष म्हणजे, २०१९ मध्ये अहीर यांचा पराभव झाला तेव्हा देखील मुनगंटीवार यांच्याविषयी असाच सूर उमटला होता. मुनगंटीवार यांना मिळालेली प्रभाग निहायमते बघितली तर भाजपच्या अनेक पदाधिकाऱ्यांनी खरच प्रचार केला की ते घरी बसून होते, हा प्रश्न अनेकांना पडला आहे.