लोकसत्ता टीम

वर्धा : महाराष्ट्र राज्य प्राथमिक शिक्षक समिती या संघटनेचे राज्याध्यक्ष विजय कोंबे यांच्यावर आचारसंहिता भंग केल्याचा ठपका ठेवून त्यांना निलंबित करण्यात आले आहे. या घटनेने शिक्षक वर्तुळात चांगलीच खळबळ उडाली आहे. त्यांच्या विरोधात कुरझडी येथील भाजप नेते प्रभाकर चौधरी यांनी तक्रार केली होती. तसेच या तक्रारीला भाजपचे लोकसभेचे उमेदवार असलेले खा.रामदास तडस यांनी अनुमोदन दिले होते.

bjp eyes on Maharashtra Assembly Speaker post
विधान परिषद सभापतीपदाचा महायुतीत तिढा; तिन्ही पक्षांचा पदावर दावा
Vice President question on P Chidambaram criticism about Parliament print politics news
आम्ही संसदेत ‘पार्ट टाइमर’ आहोत काय? चिदम्बरम यांच्या टीकेवर उपराष्ट्रपतींचा सवाल
pune, Fake certificate, Deputy Commissioner of Maharashtra State Examination Council, Fake certificate in the name of Deputy Commissioner of Maharashtra State Examination Council, fake certificate in pune, Fake Certificate Scam Uncovered in Pune pune case, pune news, deccan police station,
महाराष्ट्र राज्य परीक्षा परिषदेच्या उपायुक्तांच्या नावे बनावट प्रमाणपत्र; शिक्षक भरतीसाठी वापर?
NCP activists are aggressive over the video of BJP district vice president Sudarshan Chaudhary
भाजपचे जिल्हा उपाध्यक्ष सुदर्शन चौधरी यांच्या ‘त्या’ व्हिडीओवरून, राष्ट्रवादी काँग्रेस पक्षाचे कार्यकर्ते आक्रमक
mayawati with akash anad
परिपक्व नाही म्हणणार्‍या पुतण्यालाच मायावतींनी केले उत्तराधिकारी; यामागची नेमकी रणनीती काय?
Ajit pawar and sunetra pawar
“दादा तर कामं करतात, आता वहिनींकडून…”, राज्यसभेत निवडून आल्यानंतर सुनेत्रा पवारांच्या समर्थकांच्या अपेक्षा काय?
Bhaskar Bhagare, dindori lok sabha seat, Sharad Pawar, Sharad Pawar's NCP, Bhaskar Bhagare Defeats BJP s Bharti Pawar, Limited Resources, money, teacher Bhaskar Bhagare, sattakaran article
ओळख नवीन खासदारांची : भास्कर भगरे, (दिंडोरी, राष्ट्रवादी शरद पवार गट) ; सामान्य शिक्षक
SUnetra pawar chhagan Bhujbal
राज्यसभेचा उमेदवारी अर्ज भरल्यानंतर सुनेत्रा पवारांची प्रतिक्रिया; भुजबळ, पार्थ पवारांच्या नाराजीच्या चर्चेबाबत म्हणाल्या…

विजय कोंबे यांनी काँग्रेसचे उमेदवार अमर काळे यांचा समाजमाध्यमातून प्रचार केल्याचा प्राथमिक ठपका आहे. तसेच पंतप्रधान नरेंद्र मोदी यांच्यावर टीका केल्याचा आरोप आहे. व्हॉट्सॲपवर कोंबे यांनी ही टीका फॉरवर्ड केली. तसेच ज्येष्ठ नेते लालकृष्ण अडवाणी यांना राष्ट्रपती द्रौपदी मुर्मू व पंतप्रधान नरेंद्र मोदी यांनी भेट दिली होती. त्यावेळी मोदी बसलेले होते. या चित्रावर सुद्धा कोंबे यांनी टिका केल्याचा आरोप आहे.

आणखी वाचा-गडचिरोली : दीड लाखांचे बक्षीस असलेल्या कट्टर नक्षल समर्थकास अटक

या आरोपाच्या आधारे कोंबे यांच्यावर कारवाई करण्याची मागणी झाली. त्याची तात्काळ दखल घेत वर्धा जिल्हा परिषदेचे मुख्य कार्यकारी अधिकारी शुक्रवारी रात्री देवळी येथे जिल्हा परिषदेच्या शाळेत मुख्याध्यापक असलेल्या विजय कोंबे यांच्यावर निलंबनाचा बडगा उगारला. मुख्य कार्यकारी अधिकारी रोहन घुगे यांनी शनिवारी सायंकाळी यास दुजोरा दिला. आचारसंहितेच्या तरतुदीनुसार ही कारवाई तात्काळ करण्यात आली.

निलंबित शिक्षकास त्याचे म्हणणे मांडण्याची संधी पुढील टप्प्यात दिल्या जाईल, असे घुगे म्हणाले. तर निलंबित करण्यात आलेले विजय कोंबे यांना विचारणा केल्यावर ते म्हणाले की निलंबनाचा आदेश अद्याप मला मिळालेला नाही. पण मला मुख्यालय न सोडण्याचा संदेश आला होता. त्यामुळे कारवाई झाल्याची शक्यता नाकारता येत नाही. मी कुठलेही चुकीचे काम केले नाही. हा हितशत्रूंनी घडवून आणलेला प्रकार असु शकतो. अद्याप मला माझी बाजू मांडण्याची संधी मिळालेली नाही. आता कामकाज सुरू झाल्यावरच सोमवारी मला नेमके काय झाले कळेल, असे मत कोंबे यांनी व्यक्त केले.

आणखी वाचा-अकोला : दूषित पाण्यामुळे ४९ ग्रामस्थांची प्रकृती बिघडली

महाराष्ट्र राज्य प्राथमिक शिक्षक समिती ही जिल्हा परिषदेच्या शिक्षकांसाठी कार्यरत असलेली राज्यातील बलाढ्य संघटना समजली जाते. संघटनेने विविध आंदोलने गाजविली. या संघटनेत जिल्हाध्यक्ष म्हणून कामाची सुरूवात करतांना विजय कोंबे यांनी आपल्या दमदार नेतृत्वाने राज्य संघटनेचे अध्यक्षपद खेचून आणले. त्यांच्यावरील या कारवाईने काय पडसाद उमटतील, हे पुढेच दिसेल.