couples intimate in coffee corner in amravati zws 70 | Loksatta

अमरावतीत कॉफी कॉर्नरमध्ये प्रेमीयुगुलांचे अश्लील चाळे; दोन जोडपी ताब्यात

पोलिसांनी शहरातील तरुणाईची वर्दळ राहणाऱ्या कॉफी कॉर्नर, फास्ट फूड सेंटर व काही हॉटेलवर लक्ष ठेवून तपासणी सुरू केली.

अमरावतीत कॉफी कॉर्नरमध्ये प्रेमीयुगुलांचे अश्लील चाळे; दोन जोडपी ताब्यात
प्रतिनिधिक छायाचित्र

अमरावती : शहरातील अनेक कॉफी कॉर्नर, फास्ट फूड सेंटर व काही हॉटेल्समध्ये प्रेमीयुगुलांना अश्लील चाळे करण्यासाठी पैसे मोजून जागा उपलब्ध करून देण्यात येत असल्याचा धक्कादायक प्रकार पोलीस कारवाईतून गेल्या काही दिवसांमध्ये समोर आला आहे. गानुवाडी परिसरातील ग्राउंड व्ह्यू कॉफी कॉर्नरमध्येही असे प्रकार सुरू असल्याची माहिती मिळाल्यावर राजापेठ पोलिसांनी या तेथे छापा टाकून दोन प्रेमीयुगुलांना आक्षेपार्ह अवस्थेत पकडले.

शहरातील अनेक कॉफी कॉर्नर, फास्ट फूड सेंटर व काही हॉटेलमध्ये कम्पार्टमेंट तयार करून प्रेमीयुगुलांना तासाप्रमाणे पैसे मोजून अश्लील चाळे करण्यासाठी जागा उपलब्ध करून देण्यात येत आहे. पोलीस आयुक्तांचे विशेष पथक आणि गाडगेनगर पोलिसांनी काही दिवसांपूर्वी पंचवटी चौक परिसरातील एका मॉलमधील फास्ट फूड कॉर्नर, कठोरा मार्ग व सहकारनगर येथील कॅफे हाऊसवर धाड टाकून केलेल्या कारवाईनंतर हा धक्कादायक प्रकार समोर आला होता.

विशेष म्हणजे, फ्रेजरपुरा ठाण्यात नुकत्याच दाखल झालेल्या एका बलात्काराच्या गुन्ह्यातील घटनास्थळही पंचवटी चौकातील सदर मॉलमधील फास्ट फूड सेंटर असल्याचे पीडित मुलीच्या बयाणावरून समोर आले होते. त्यामुळे पोलिसांनी शहरातील तरुणाईची वर्दळ राहणाऱ्या कॉफी कॉर्नर, फास्ट फूड सेंटर व काही हॉटेलवर लक्ष ठेवून तपासणी सुरू केली. त्या अनुषंगाने राजापेठ पोलिसांनी गानुवाडी परिसरातील ग्राउंड व्ह्यू कॉफी कॉर्नरची झडती घेतली. यावेळी या कॉफी कॉर्नरमध्ये दोन जोडपी आक्षेपार्ह अवस्थेत आढळून आलेत. पोलिसांनी दोन्ही जोडप्यांसह कॉफी कॉर्नरचा मालक सुमित देवरे (रा. चवरेनगर) यांना ठाण्यात आणून त्यांच्यावर कारवाई केली.

मराठीतील सर्व नागपूर / विदर्भ ( Nagpur ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
बुलढाणा : लहान बाळासह वाहनात बसून दाम्पत्याचे उपोषण

संबंधित बातम्या

“शिवरायांचा जन्म कोकणात’ प्रसाद लाड यांच्या वक्तव्यानंतर मुख्यमंत्री शिंदेंची प्रतिक्रिया; म्हणाले…
नागपूर ते शिर्डी समृद्धी महामार्गाचे काम बाकी, तरी उदघाटनाचा घाट; मात्र तरीही समृद्धीवरून थेट प्रवास
‘चला कर्नाटक पाहू’ नागपूर विमानस्थळाबाहेरील बॅनर्स शिवसैनिकांनी फाडले; ठाकरे गट आक्रमक
“हे फक्त गडकरीच करू शकतात, तो काँग्रेसचा नेता असूनही…”, नाना पाटेकरांचं नागपुरात वक्तव्य
नागपूर: ‘रोजा जानेमन…’, हरिहरन यांच्या मखमली स्वराने रसिक मंत्रमुग्ध

व्हिडिओ

ताज्या बातम्या
Viral Video: मगर आली आणि चिमुकल्याला घेऊन गेली, हतबल वडिलांनी डोळ्यादेखत पाहिला मुलाचा दुर्दैवी अंत
‘चला कर्नाटक पाहू’ नागपूर विमानस्थळाबाहेरील बॅनर्स शिवसैनिकांनी फाडले; ठाकरे गट आक्रमक
सिद्धू मुसेवाला हत्येप्रकरणी दिलजीत दोसांझचं मोठं विधान; म्हणाला “सरकारचा नालायकपणा…”
Video: ‘या’ पक्षाची हिंमत तर बघा, चक्क मधमाश्यांच्या पोळ्यावर केला हल्ला अन् तितक्यात…
अमरेंद्र भास्कर बालकुमार साहित्य संस्थेच्या अध्यक्षपदी राजन लाखे यांची निवड; प्रक्रिया न राबविता घोषणा केल्याचा आरोप