SIR : एसआयआरच्या सुनावणीसाठी निवडणूक आयोगाकडून दिलासा! नावात विसंगती असल्यास बीएलओचा पंचनामा पुरावा म्हणून ग्राह्य

हे दिले निर्देश

एस. चोकलिंगम यांनी मंगळवारी एसआयआर संदर्भात राज्यातील सर्व निवडणूक अधिकाऱ्यांची दूरदृश्यप्रणालीद्वारे बैठक घेतली. एसआयआर संदर्भातील असलेल्या अडणची आणि त्रुटी दूर करण्यावर त्यांनी भर दिला. नमुना ७ बाबत कार्यवाही करताना एईआरओंनी स्वतः खात्री करून पुरावा आणि पडताळणी केल्याशिवाय कार्यवाही करू नये, जिथे नाव वगळणीचे (नमुना ७) प्रमाण अधिक असेल त्यांना स्पष्टीकरण द्यावे लागेल. एखादा मतदार हा पात्र नाही किंवा भारताचा नागरिक नाही, हे सिद्ध करण्याचे जबाबदारी ही आक्षेपकाची असून त्या मतदाराची नसल्याचे त्यांना सांगितले. . नमुना ८ (मतदार संघात बदल) बाबत कार्यवाही करताना नावात दुरुस्ती तसेच मतदारसंघ अंतर्गत स्थलांतरण अशा प्रकारची दुरुस्ती असेल तर पुरावे आणि कागदपत्रानुसार निर्णय घ्यावा, एका मतदारसंघातून दुसऱ्या मतदारसंघात जर स्थलांतरणाचा अर्ज प्राप्त झाला तर अशा बाबत नमुना ११ ब ची यादी तपासून प्रत्यक्ष मतदाराची संमती प्राप्त झाल्याशिवाय आणि अन्य मतदारसंघात स्थलांतराणाबाबत त्यांनीच अर्ज दिल्याची खात्री झाल्याशिवाय असे अर्ज न स्वीकारण्याच्या सूचना त्यांनी केल्यात.

मतदारांना स्वतः किंवा बीएलओ मार्फत ऑनलाइन कागदपत्रे सादर करण्याची मुभा आहे. मतदाराचे सर्व योग्य कागदपत्र जमा झाले असतील तर त्याने सुनावणीसाठी समक्ष हजर राहावे अथवा नाही याबाबत आवश्यकतेनुसार एईआरओ यांनी निर्णय घ्यावा. मतदारांनी सादर केलेली कागदपत्रे योग्य असल्याबाबत यांची खात्री पटल्यास त्यांना सुनावणीकरिता प्रत्यक्ष हजर राहणे आवश्यक नसल्याचे त्यांनी स्पष्ट केले.

मतदाराच्या समक्ष हजेरीपेक्षा त्याचे कागदपत्र जमा होणे अधिक महत्त्वाचे असल्याच ते म्हणाले. मतदाराने स्वतः ऑनलाइन दिलेली कागदपत्रे किंवा बीएलओमार्फत सादर केलेली कागदपत्रे अथवा सुनावणी वेळी सादर केलेली कागदपत्रे जर योग्य नसतील किंवा अपूर्ण असल्यास, याबाबत मतदाराला संधी देणे आवश्यक आहे. लगेच नाव वगळण्याचे आदेश करू नका. फक्त आधार हा एकमेव नागरिकत्वाचा पुरावा म्हणून ग्राह्य धरता येणार नाही. त्याकरिता अन्य योग्य पुरावा घ्यावा. विवेक आणि तर्कबुद्धीला अनुषंगिक सकारात्मक निर्णय घ्यावा, अशा सूचना त्यांना केल्यात.

……महत्त्वाचे……

• निराधारांसाठी कागदपत्रांची आवश्यकता नाही.
• जन्माचा दाखला, शाळा सोडल्याचा दाखला किंवा भावंडांचे दाखले ग्राह्य धरण्यात यावे.
• विसंगती असल्यास बीएलओंचा पंचनामा पुरावा म्हणून ग्राह्य धरण्यात येतील.
• नकारात्मक निर्णय घेण्यापूर्वी तपासून घ्यावे.
• कागदपत्रे योग्य असल्यास सुनावणीसाठी किंवा नोटीससाठी सक्ती नाही.
• राजकीय पक्षांचा कोणताही हस्तक्षेप खपवून घेतला जाणार नाही, अधिकाऱ्यांनी तटस्थ रहावे.
• व्हीआयपी व्यक्तींची नावे वगळली जाणार नाही याची दक्षता घ्या.
• एईआरओंना मानधन मिळणार आहे.
• २००२ च्या एसआयआर यादीत नाव नसेल पण १९९५ च्या मतदार यादीमधील पुरावा मान्य करावा.