नागपूर : कारागृहाच्या तटबंदी भींतीच्या आड शिक्षा भोगत असलेल्या आई, वडिल आणि आजोबाला भेटण्याची आतुरता. अनेक दिवसांनंतर आपल्या चिमुकल्याला प्रत्यक्षात बघण्याची ओढ. मुलांचे रुसवे, फुगवे आणि गोडवे गात कारागृहातील वातावरण कौटुंबिक आणि भावनिक झाले. प्रसंग होता कैद्यांच्या मुलांसाठी गळाभेट कार्यक्रमाचा. शनिवारी राबविण्यात आलेल्या या उपक्रमात नागपूर मध्यवर्ती कारागृहातील १०९ कैद्यांच्या १९७ मुला-मुलींनी गळाभेट घेतली.

शासनाच्या आदेशानुसार कारागृहात विविध गुन्ह्यांमध्ये शिक्षा भोगत असलेल्या कैद्यांना कुटुंबीयांशी ‘गळाभेट’ करण्याचा उपक्रम शनिवारी राबवण्यात आला. यासाठी कारागृहात विशेष व्यवस्था करण्यात आली होती. बंदिवानांना त्यांच्या रक्ताच्या नात्यातील सदस्यांना भेटण्यासाठी संधी उपलब्ध करून देण्यात आली. कैद्यांमध्ये कारागृहात असताना नैराश्याची, गुन्हेगारी भावना येऊ नये म्हणून ‘गळाभेट’ या कौटुंबिक कार्यक्रमाचे आयोजन करण्यात आले. बंदिवानांचे पुनर्वसन, सुधारणा हा त्या मागचा हेतू आहे. बंदी हा समाजापासून तुटू नये. तो समाजाशी जोडलेला असावा, तसेच मानवता,करुणा ही भावना हा कार्यक्रमाचा हेतू असल्याने नागपूर कारागृहात कैदी मोठ्या भावनिकरित्या गुंफलेल्या नात्यातून गुरफटले होते.

Commissioner Dilip Sardesai informed that the date of MHT CET result has been postponed Mumbai
‘एमएचटी सीईटी’ निकालाच्या तारखांवर तारखा; विद्यार्थ्यांच्या हितासाठी तारीख पुढे ढकलली, आयुक्त दिलीप सरदेसाई यांची माहिती
Mumbai Municipal Corporation, bmc, Mumbai Municipal Corporation to Resume Road Concreting Projects, Post Elections, bmc Work Orders, road construction,
मुंबई : रस्तेकामांच्या प्रक्रियेला वेग, महापालिका नव्या कामांची निविदा प्रक्रिया पावसाळ्यात पूर्ण करणार
Akola Police, Akola Police take action against Parents Allowing Minors to Drive, Parents Allowing Minors to Drive, Legal Action Initiated, akola news,
सावधान! अल्पवयीन मुलांच्या हातात वाहन देताय‌? अकोल्यात दोन पालकांवर गुन्हा; जाणून घ्या काय शिक्षा होणार?
meditation, Kanyakumari rock memorial, prime minister narendra modi
मोदींच्या नव्या ध्यानमग्न छायाचित्राच्या प्रतीक्षेत…
pune accident
पोर्श अपघातानंतर क्लब मालकांना आली जाग, पुण्यातील उद्योजकाने सांगितली पब्समधील सद्यस्थिती
series of misadventures in Sassoon hospital Department of Medical Education not taking any action
गैरकारभारांमुळे ‘सर्वोपचार’ रुग्णालयच ‘गंभीर आजारी’! ससूनमध्ये गैरप्रकारांची मालिका; वैद्यकीय शिक्षण विभाग बघ्याच्या भूमिकेत
fraud of 42 lakh with doctor by pretending to be the great-grandson of a spiritual guru
मुंबई : आध्यात्मिक गुरूचा पणतू असल्याचे भासवून डॉक्टरची ४२ लाखांची फसवणूक
judge dog stolen
न्यायाधीशांच्या घरातून श्वानाची चोरी झाल्याचा आरोप; तब्बल २४ जणांवर गुन्हा दाखल; कुठे घडला प्रकार?

हेही वाचा…चंद्रपूर जिल्ह्यातील ‘डायनोसॉर’चे जीवाश्म स्थळ नष्ट

अनेक कैद्यांना आप्तेष्ठांना, मुलांना, पत्नीला बघून डोळ्यात अश्रू आवरता येत नव्हते. शिक्षा कारागृहात भोगत असताना कारागृहातील महिला व पुरूष कैद्यांच्या मुलांना आपल्या मातापित्यांची भेट घेण्याची तीव्र इच्छा असते. मातापिता त्यांच्यापासून दूर असल्यामुळे त्यांच्यामध्ये मानसिक पोकळी निर्माण झालेली असते. सर्वप्रथम काही मुले-मुली लाजत, संकोचत, घाबरत भेटीसाठी आली. परंतु, नंतर आनंदाने आपल्या वडीलांच्या, आजोबांच्या अंगाखांद्यावर मनोसक्तपणे खेळली. हा उपक्रम अधीक्षक वैभव आगे यांनी राबविला. कैद्यांच्या मुलांना चॉकलेट, बिस्किट आणि खाऊ वितरित करण्यात आला.

हेही वाचा…यवतमाळ : शासकीय जलतरण तलावात बुडून तरुणाचा मृत्यू

एका कैद्याच्या मुलाने ‘हंबरून वासराले चाटते जवा गाय, तवा मला तिच्यामध्ये दिसते माझी माय’ हे शेतकरी गीत सादर केले. त्यामुळे गळाभेटीचे वातावरण अत्यंत भावनिक झाले होते. कैदी व पाल्य यांच्या गळाभेटीनंतर कारागृहातून परत जातांना पाणावलेल्या डोळ्यांनी मुलांनी आपल्या आई-वडिलांना डबडबलेल्या डोळ्यांनी निरोप दिला. त्यामुळे भेटीप्रसंगांच्या या क्षणी अत्यंत भावनिक वातावरण निर्माण झाले होते.