नागपूर: एसटीतून प्रवास करताना प्रवाशांना आता तिकिटासाठी सुट्ट्या पैशांची चिंता करण्याची गरज नाही. एसटी महामंडळाने एक पाऊल पुढे टाकत प्रवाशांना ‘युपीआय’ प्रणालीद्वारे तिकीट खरेदी करण्याची सुविधा उपलब्ध केली आहे. त्याला प्रवाश्यांकडून प्रतिसादही वाढत आहे.

एसटी महामंडळाने सर्व वाहकांसाठी अँड्रॉइड तिकीट इश्यू मशिन्स (ईटीआयएम) नव्याने सेवेत दाखल केल्या आहेत. या मशिनमुळे प्रवाशांना प्रवासादरम्यान रोख पैशांऐवजी युपीआय, क्युआर कोड, आदी डिजिटल पेमेंटचा वापर करत तिकीट काढता येते. जानेवारी- २०२४ ते मे- २०२४ अखेर १४ लाख ३२ हजार तिकिटांची विक्री झाली. त्यातून एसटीला ५ महिन्यांत ३५ कोटी ८७ लाख १५ हजार रुपयांचा महसूल मिळाला.

ST Corporation, ticketless passengers, wage hike Withheld, carriers, opposition, letter, punishment, fine, dissatisfaction, low wages, statement, labor court, ST Workers Union, employees, loksatta news,
एसटी बसमध्ये प्रवासी विनातिकीट सापडल्यास…’या’ निर्णयाला वाहकांचा विरोध
Tsunami Video Flood In Haridwar Massive Water Force
Tsunami Video: पुराचा हाहाकार! पाण्याच्या प्रचंड प्रवाहात गाड्यांची अवस्था पाहून विश्वासच बसणार नाही; नेमकं ठिकाण कोणतं?
Only 35 percent of BEST fleet is self owned Mumbai
बेस्टच्या ताफ्यात स्वमालकीच्या केवळ ३५ टक्के गाड्या
pravasi raja din, ST bus, passengers,
एसटी बस प्रवाशांच्या तक्रारी, समस्या ऐकल्या जाणार? काय आहे ‘प्रवासी राजा दिन’ उपक्रम जाणून घ्या…
Dombivli, traveler, robbed, Taloja-Khoni road,
डोंबिवली : तळोजा-खोणी रस्त्यावर प्रवाश्याला पोलीस सांगून दिवसाढवळ्या लुटले
Vande Bharat Express train
वंदे भारत ट्रेनमध्ये पावसाच्या पाण्याची गळती, प्रवाशांनी VIDEO शेअर करताच रेल्वेने दिलं उत्तर, “अडथळा आल्याने..”
Even during the rainy season rickshaw-taxi drivers continue to refuse fares
पावसाळ्यातही रिक्षा-टॅक्सी चालकांकडून भाडे नाकारणे सुरूच
mumbai metro line 3 marathi news
मेट्रो ३ : आरे ते बीकेसी टप्प्याच्या आरडीएसओ चाचण्या पूर्ण, आता लवकरच सुरक्षा प्रमाणपत्र घेण्याच्या प्रक्रियेला होणार सुरुवात

हेही वाचा – लिपिक टंकलेखक, कर सहायक पदासाठी कौशल्य टंकलेखन चाचणीची तारीख जाहीर

एसटीचा व्यवहारही रोखरहित करण्याच्या दिशेने पाऊल टाकत एसटीने प्रवाश्यांनाही धावत्या बसमध्ये तिकीट काढण्यासाठी फोन पे, गुगल पे या सारख्या युपीआय पेमेंटची सुविधा उपलब्ध केली आहे. वाहकाच्या अँड्रॉइड तिकीट मशीनवर असलेल्या क्युआर कोडद्वारे प्रवाशांना तिकिटाचे मोजके पैसे डिजिटल स्वरुपात देणे शक्य आहे. अर्थात, प्रवाशांना या सुविधेमुळे खिशात रोख पैसे नाहीत तसेच, सुट्या पैशासाठी वाहकासोबत होणारा वाद असे प्रश्न कायमचे मिटले आहेत. या सहज आणि सुलभ तिकीट प्रणालीला प्रवाशांनी भरघोस प्रतिसाद दिला असून जानेवारी २०२४ मध्ये प्रतिदिन केवळ ३ हजार ५०० तिकिटे युपीआयव्दारे काढली जात होती. त्यामध्ये मे, २०२४ मध्ये पाचपट वाढ होऊन प्रतिदिन २० हजार ४०० तिकिटे सरासरी काढली जात आहेत. अर्थात, युपीआय पेमेंटव्दारे महामंडळाच्या खात्यावर पैसे जमा होण्याचे प्रमाण देखील वाढले असून ते जानेवारी २०२४ मध्ये प्रतिदिन १० लाख रुपये होते, आता मे, २०२४ मध्ये ४५ लाख रुपये प्रतिदिन झाले आहे.

वाद टाळायचे, युपीआय तिकीटाची मागणी करा

प्रवाशांनी प्रवासादरम्यान नेहमी वाहकाकडे युपीआय तिकीटाची मागणी करावी जेणेकरून सुट्ट्या पैशावरून होणारे वादविवाद टाळले जातील. युपीआय पेमेंटव्दारे क्युआर कोडच्या माध्यमातून एसटीच्या सर्व प्रकारच्या बस सेवेमध्ये तिकीट विक्री सुरू केली असून जास्तीत जास्त प्रवाशांनी त्याचा लाभ घ्यावा, असे आवाहन एसटी महामंडळातर्फे करण्यात आले आहे.

हेही वाचा – राज्यातील विद्यार्थ्यांना मिळणार ‘यूपीएससी’चे मोफत निवासी प्रशिक्षण आणि निर्वाह भत्ता, २८ जूनपर्यंत अर्ज करण्याची मुदत…

एसटीत युपीआयद्वारे झालेला व्यवहार व महसूल

……………………………………………………………………..
महिना – तिकीट संख्या – उत्पन्न (लाखात)
………………………………………………………………………
जानेवारी- २०२४ – १०९४९६ – ३,१२,८७,२७७

फेब्रुवारी- २०२४ – १३३१५७ – ४,१०,७०,९४१

मार्च- २०२४ – २०५९६१ – ५,८६,५०,७८७

एप्रिल- २०२४ – ३५०७३६ – ८,७५,२३,९१०

मे- २०२४ – ६३२६९० – १४,०१,८२,७०७

………………………………………………………………………..

एकूण – १४३२०४० – ३५,८७,१५,६२२